Мірскі замак набыў унікальную калекцыю партрэтаў князёў Радзівілаў, паведаміла спецыяліст па сувязях з грамадскасцю ўстановы «Музей «Замкавы комплекс «Мір» Анаіт Арзуманян.
Паводле слоў спецыяліста, замкавы комплекс «Мір» заключыў сенсацыйную ўгоду па набыцці калекцыі партрэтаў князёў Радзівілаў.
«Сцены Партрэтнай залы Мірскага замка цяпер упрыгожаныя арыгінальнымі партрэтамі, якія музей набыў у князя Канстанціна Гагенлоэ-Шылінгсфюрста, які жыве ў Германіі. Упершыню гэту калекцыю беларусы ўбачылі ў маі 2014 года на выстаўцы. На працягу 17 месяцаў дырэктарат музея вёў перагаворы з уласнікам партрэтаў князем Канстанцінам. І вось нарэшце Міністэрства культуры Германіі дало дазвол на перамяшчэнне гісторыка-культурных каштоўнасцей», — расказала Анаіт Арзуманян.
Калекцыя налічвае 15 партрэтаў XIX стагоддзя і тры — XVIII стагоддзя. Сярод 18 жывапісных работ два роставыя партрэты, на якіх адлюстраваныя князь Міхаіл Казімір Рыбанька і Ганна Людвіка — яго другая жонка. Тое, што партрэты маюць непасрэднае дачыненне да ўладальнікаў Мірскага замка, павышае каштоўнасць гэтай калекцыі.
У Партрэтнай зале прадстаўленая толькі частка калекцыі — 12 работ. Астатнія захоўваюцца ў запасніках музея. Некаторыя партрэты маюць патрэбу ў рэстаўрацыі. Цяпер супрацоўнікі музея чакаюць кансультацый спецыялістаў з рэстаўрацыйнага цэнтра імя Гудзінаса, які знаходзіцца ў Літве, і пасля гэтага будзе прынята праграма іх рэстаўрацыі.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары