Беларуская кампанія наладзіла дастаўку грузаў у Кітай удвая хутчэй, чым чыгункай, і ў 4 разы танней, чым паветрам
Новае лагістычнае рашэнне, прапанаванае транспартна-экспедыцыйнай кампаніяй «Крафттранс», дазваляе дастаўляць грузы з Беларусі ў Кітай аўтамабільным транспартам у 3 разы хутчэй за кантэйнерныя марскія перавозкі і ў 4 разы танней за авіяцыйныя. Праект атрымаў назву «Шаўковы шлях 2.0», паведамілі ў кампаніі.
«На сённяшні дзень Кітай для Беларусі — адзін з прыярытэтных эканамічных партнёраў. І «Крафттранс» актыўна развівае гэты кірунак. Раней мы прапаноўвалі нашым кліентам на выбар дастаўку грузаў паветраным, чыгуначным і марскім транспартам, адразу ж знайшлі аптымальнае рашэнне для аўтамабільнага транспарту. Гэта эканомная інавацыя «Шаўковы шлях 2.0», — распавялі ў кампаніі.
«Крафттранс» ужо не першы год працуе па дастаўцы грузаў у Кітай. За гэты час назапашаны практычны досвед працы з кітайскім бокам: грузы дастаўляліся праз парты з «давозамі» углыб Кітая, ажыццяўлялася тэрміновая авіядастаўка, чыгуначныя грузаперавозкі з Паднябеснай, уключаючы праектную лагістыку.
Як адзначаюць у кампаніі, з Кітаем «трэба ўмець працаваць», бо існуе маса асаблівасцяў, няведанне якіх можа істотна паўплываць на лагістыку. Таксама важна веданне кітайскай мовы — як вуснай, для зносін з чыноўнікамі, так і пісьмовай, для афармлення дакументаў. Планамернае развіццё «кітайскага» кірунку дало свае вынікі — на сённяшні дзень спецыялісты «Крафттранс» знаёмыя з усімі нюансамі і спецыфікай.
Стварэнне эканомнай інавацыі «Шаўковы шлях 2.0» стала чарговым крокам у развіцці лагістычнага кірунку, ён увабраў у сябе ўсе напрацоўкі кампаніі. Дастаўка грузаў з Беларусі ў Кітай па «Шаўковым шляху 2.0» ажыццяўляецца ўсяго за 12 дзён — гэта амаль у 2 разы хутчэй, чым чыгуначным транспартам, і ў 3 разы — чым морам. Авіяцыяй гэта можна зрабіць яшчэ хутчэй — за 3—5 дзён, але кошт пры гэтым будзе ў 4 разы вышэйшым.
| «Такім чынам, наша паслуга падыдзе для кампаній, якім трэба даставіць груз аператыўна, але яны не гатовыя плаціць за дастаўку паветрам», — растлумачыў кіраўнік аддзела аўтамабільных грузаперавозак «Кітай» кампаніі «Крафттранс» Арцём Міхневіч. |
Першыя грузаперавозкі ў Кітай з Беларусі па «Шаўковым шляху 2.0» прадэманстравалі зручнасць і бяспеку дадзенага лагістычнага калідора. У прыватнасці, з Мінска ў Кітай была дастаўлена буйная партыя дарагога абсталявання.
У кампаніі ўпэўненыя, што новае лагістычнае рашэнне зацікавіць вытворцаў сельскагаспадарчай і спецыяльнай тэхнікі, сезонных тавараў, а таксама скорапсавальных прадуктаў.
Акрамя выдатных суадносін «хуткасць — кошт», дастаўка па «Шаўковым шляху 2.0» мае і іншыя плюсы. Так, у заказчыкаў няма неабходнасці ствараць складскія запасы — груз адпраўляецца практычна адразу. Акрамя таго, дзякуючы аператыўнасці дастаўкі, паскараюцца і ўзаемаразлікі — аплата не «завісае» на 2 месяцы, як у выпадку з перавозкамі па моры.
«Крафттранс» цалкам кантралюе ўвесь працэс грузаперавозак з дапамогай сучасных IT-сістэм і аператыўна перадае інфармацыю кліенту не толькі аб месцазнаходжанні грузаў, але і аб усіх сітуацыях, якія ўзнікаюць падчас дастаўкі. Кампанія бярэ на сябе ўсе работы па афармленні суправаджальных дакументаў, а таксама дакументаў для праходжання кітайскай мяжы. Веданне спецыялістамі «Крафттранс» кітайскага заканадаўства і мовы дазваляе даставяць грузы углыб Кітая да канчатковага пункта прызначэння.
«Грузаперавозкі ў Кітай — адзін з прыярытэтных кірункаў нашай дзейнасці. Беларуска-кітайскі таваразварот расце, эканамічныя сувязі мацнеюць, і наша задача — забяспечыць аптымальныя лагістычныя рашэнні. На сённяшні дзень мы дастаўляем груз у КНР усімі магчымымі відамі транспарту гэта і тэрміновыя авіяперавозкі з любога горада Беларусі, кантэйнерныя перавозкі ў марскую частку Кітая буйных партый грузаў, дастаўка чыгуначным транспартам (дзякуючы наяўным дамовам з чыгункамі Расіі і Казахстана) і аўтамабільныя перавозкі — эканомная інавацыя «Шаўковы шлях 2.0», — падкрэслілі ў кампаніі.
Міжнародная транспартна-экспедыцыйная кампанія «Крафттранс» працуе на рынку транспартна-экспедыцыйных паслуг з 1995 года. Геаграфія перавозак ахоплівае больш за 100 краін свету. «Крафттранс» аказвае паслугі міжнародных перавозак грузаў наземным (аўтамабільным і чыгуначным), марскім і авіяцыйным транспартам, а таксама рэалізуе мультымадальныя схемы дастаўкі.
Прыватнае прадпрыемства «Драйв Медыя» УНП 192317694
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары