5 лістапада (субота). Мінск - Белагруда - Тарнова - Васілішкі - Старыя Васілішкі - Галавічполле - Мінск.
Кампанія «Інтэркомтур» запрашае вас далучыцца да падарожжа ў гродзенскім кірунку.
Цана экскурсіі: 40 рублёў
Пастаянным кліентам, студэнтам, пенсіянерам і дзецям да 12 год - зніжка 5 рублёў!
Лідская і Шчучынская зямля - сапраўдная скарбніца выбітных помнікаў і талентаў, вы зможаце цалкам упэўніцца ў гэтым падчас нашай экскурсіі.
Першы прыпынак адбудзецца ў вёсцы Белагруда, дзе захаваўся прыгожы неагатычны касцёл святога Міхаіла Арханёла.
Далей мы едзем у Тарнова, тутэйшы нядаўна адрэстаўраваны дом, збудаваны ў стылі неарэнесанс, раней быў сядзібай Маўросаў, а сёння таксама з’яўляецца жылым.
Акрамя сядзібы, захаваліся некаторыя гаспадарчыя пабудовы — млын, стайні, лядоўня і іншыя будынкі.
Наступны пункт - гэта Васілішкі — маленькая, прыгожая вёска ў Шчучынскім раёне.
Тут знаходзіцца адметны касцёл св. Яна Хрысціцеля, збудаваны ў стылі віленскага барока. Касцёл быў узведзены ў другой палове XVIII стагоддзя.
У суседніх Старых Васілішках знаходзіцца касцёл святых Пятра і Паўла.
Яго будавалі ў 1898-1903 гг. у стылі неаготыкі. Касцёл мае сваю ўнікальную асаблівасць — гэта штучныя пячоры, створаныя ў левым нефе храма.
Таксама Старыя Васілішкі славяцца тым, што тут знаходзіцца радзіма вядомага польскага музыкі Чэслава Немэна.
Апошні пункт нашай экскурсіі - вёска Галавічполле. Тут знаходзяцца два аб’екты, што могуць зацікавіць нас.
Першы — тыповая шляхецкая драўляная сядзіба, сёння выкарыстоўваецца як каталіцкая капліца. Другі — мураваная сядзіба «Лебедзеўка Іванаўская», збудаваная ў прыгожым спалучэнні мадэрна і неаготыкі ў 1909 годзе.
Сёння тут месціцца дом-інтэрнат для дзяцей-інвалідаў, таму аглядзець помнік можна толькі з пэўнай адлегласці, што, аднак, не змяншае вонкавую прыгажосць сядзібы.
Цікаўцеся роднай гісторыяй і далучайцеся да экскурсій кампаніі Інтэркомтур!
Анлайн-браніраванне тут.
Запіс і падрабязнасці па тэлефонах: (29)7652545, (29)6506102, (17)2223321 (Дзяніс).
ТАА «БелЮніІнтэрКам». УНП 19052271
Каментары