Падручнік ад 2012 года не абвязковы, але дапушчаны Міністэрствам адукацыі.
Школьнікам ілгуць пра адну з самых ганебных старонак гісторыі ХХ ст.
Расстрэл ваеннапалонных — гэта ваеннае злачынства. Забойства 22 тысяч польскіх афіцэраў у 1940 годзе было сапраўднай катастрофай для Польшчы. Загінула нацыянальная эліта. Гэтая трагедыя кранае і беларусаў: сярод ахвяраў былі сотні выхадцаў з Заходняй Беларусі, розных нацыянальнасцей.
Як сведчаць дакументы, загад на знішчэнне сыходзіў ад Сталіна і ягонага найбліжэйшага атачэння. Гэта была частка палітыкі па фізічным вынішчэнні нацыянальных эліт захопленых краін.
Расія перадала Польшчы сем дзясяткаў тамоў крымінальных спраў, каля мільёна старонак дакументаў. За савецкае злачынства прабачэння прасіў прэзідэнт Расіі Уладзімір Пуцін, а Дума ў 2010 годзе прыняла спецыяльную заяву, у якой усклала віну за злачынства на Сталіна.
Але аўтар беларускага падручніка па гісторыі для 11 класа, прафесар Яўген Новік, працягвае злачынства адмаўляць.
«Праводзіліся шматлікія расследаванні, але і цяпер праз адсутнасць неабходных дакументальных матэрыялаў і жывых сведкаў гэтай трагедыі дакладна не вызначана, якая краіна вінаватая ў расстрэле польскіх афіцэраў», — гаворыцца ў падручніку, выдадзеным у 2009 годзе.
Ад 2012 года падручнік Новіка не абавязковы, але дапушчаны Міністэрствам адукацыі і можа выкарыстоўвацца па жаданні настаўнікаў.
Архівіст Зміцер Дрозд у сябе ў фэйсбуку назваў такую трактоўку гісторыю блюзнерствам. «Гэта нейкі змрок!» — піша Дрозд.
У цэлым падручнік апісвае гісторыю з імперска-расійскіх, а не беларускіх пазіцый. Што да фальсіфікацыі гістарычнай праўды пра Катынь, то яна здольная азмрочыць беларуска-польскія адносіны.
-
Як камуністы цалкам знішчылі 700‑гадовы горад Мост дзеля вугалю. Гістарычныя кварталы прадавалі Галівуду пад здымкі рэальных выбухаў
-
Тураўскія каменныя крыжы, якія нібыта прыплылі з Кіева, мабыць, паставілі пры Канстанціне Астрожскім
-
Хто насамрэч пабудаваў туалет каля тэатра імя Янкі Купалы, пра які ёсць знакамітая легенда
Каментары