Навукоўцы універсітэта Джорджыі (ЗША) прапанавалі замяніць кубак кавы раніцай 10-хвіліннай хадзьбой па лесвіцы ўверх-уніз, адзначыўшы што такое практыкаванне нашмат эфектыўнейшае за кафеін. Акрамя гэтага, такі спосаб абыдзецца танней, паведаміла Daily Mail.
Дыетолагі падкрэслілі, што ў ходзе эксперыменту з добраахвотнікамі кафеін не выклікаў ніякіх зменаў у самаадчуванні удзельнікаў, а прабежка сапраўды дадала ім энергічнасці і бадзёрасці. Прабежка падрыхтоўвае арганізм да працоўнага дня, вяртаючы яго ў тонус пасля сну.
У даследаванні ўдзельнічалі студэнты ў перыяд пікавай нагрузкі, калі яны спалі не больш за 6 гадзін за суткі. Яны пагадзіліся: прыліву сіл, падобнага таму, які яны адчулі пасля прабежкі па лесвіцы, звыклыя 50 грамаў моцнага эспрэса не даюць.
Тое ж тычыцца перапынкаў у працы.
«Офісныя работнікі, вядома могуць у перапынках выходзіць на вуліцу і гуляць, але часта надвор'е бывае непрыдатным, — кажуць даследчыкі. — Аднак ніколі яшчэ дождж на перашкаджаў хадзьбе па лесвіцы ўнутры офіснага будынка».
У цэлым, тэсты паказалі, што ні фізічная актыўнасць, ні кава не павышаюць ўвагу і не паляпшаюць памяць. Затое хадзьба па лесвіцы адчувальна дадала матывацыі да працы.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення15
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары