Турэцкія пракуроры запатрабавалі прысудзіць ісламскага прапаведніка Фетхулаха Гюлена, які абвінавачваецца ў падрыхтоўцы ваеннага перавароту, на 3 623 пажыццёвыя зняволенні і яшчэ на 2 923 гады турмы.
Як перадае турэцкае выданне Hurriyet, абвінавачванне таксама запатрабавала прызначыць Гюлену штраф, эквівалентны за 2,2 млн сутак турэмнага зняволення.
Усяго Гюлен фігуруе як галоўны падазраваны ў 22 крымінальных справах, заведзеных у Турцыі пасля спробы путчу ў ліпені 2016 года.
Фетхула Гюлен лічыцца ў Турцыі другім па ўплыве чалавекам пасля прэзідэнта Рэджэпа Таіпа Эрдагана і яго галоўным апанентам.
У мінулым ён быў паплечнікам Эрдагана, цяпер вядзе самотны лад жыцця ў добраахвотным выгнанні ў ЗША.
Пасля няўдалай спробы дзяржаўнага перавароту ў ліпені 2016 года Эрдаган назваў Гюлена галоўным змоўшчыкам.
Сам Гюлен, які пражывае ў ЗША, катэгарычна адмаўляе сваю датычнасьць да змовы. Тым не менш турэцкія ўлады патрабуюць яго экстрадыцыі на радзіму і называюць яго лідарам тэрарыстычнай арганізацыі.
Адразу пасля путчу турэцкія ўлады пачалі маштабныя чысткі. Больш за 80 тысяч чалавек, сярод якіх вайскоўцы, суддзі, дэканы і выкладчыкі універсітэтаў, журналісты пазбавіліся сваіх пасадаў з-за падазрэнняў у падтрымцы Гюлена. Былі зачыненыя больш за дзве тысячы арганізацый, арыштаваныя больш за 40 тысяч чалавек.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары