Прэзідэнт Украіны Пятро Парашэнка надаў званне Героя Украіны беларусу Міхаілу Жызнеўскаму. Пра гэта гаворыцца ў паведамленні на сайце прэзідэнта ў аўторак, піша УП.
«Прэзідэнт Пятро Парашэнка пасмяротна надаў званне Героя Украіны Міхаілу Жызнеўскаму — беларусу, які загінуў падчас Рэвалюцыі Годнасці, і уручыў Зорку Героя Украіны яго бацькам — Міхаілу Пятровічу і Ніне Васільеўне», — гаворыцца ў паведамленні.
«Для нас Міхаіл — не іншаземец, для нас Міхаіл — украінец у душы», - сказаў Парашэнка, назваўшы яго «вялікім беларусам» і «вялікім украінцам»
Парашэнка паведаміў бацькам, што ён ініцыяваў змены ў заканадаўства, якія былі падтрыманыя Вярхоўнай Радай і якія дазволілі ўпершыню ў гісторыі Украіны надаць званне Героя Украіны замежніку.
Нагадаем, 25-гадовы Міхаіл Жызнеўскі загінуў 22 студзеня 2014 ад ранення ў сэрца падчас «Рэвалюцыі Годнасці».
13 красавіка 2017 Вярхоўная Рада прыняла законапраект 6174, які дазваляе пасмяротнае наданне звання Героя Украіны замежнікам, узнагароджаным ордэнам Герояў Нябеснай сотні.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская5
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары