У нядзелю, 18 чэрвеня, у Мінску прайшоў XI з’езд Кансерватыўна-хрысціянскай партыі БНФ. У працы з’езда бралі ўдзел 101 дэлегат.
Мерапрыемства пачалося з хвіліны маўчання па тым сябрах арганізацыі, якія адышлі за апошнія гады, а таксама па Юліі Качук, дачцэ зэльвенскага актывіста КХП-БНФ.
Быў заслуханы даклад Зянона Пазняка «Набліжайма вольную Беларусь».
«У цяжкіх умовах акупацыйнага антыбеларускага рэжыма сябры Партыі захавалі аптымізм і веру ў перамогу, здолелі сваім прыкладам і сваімі ідэямі пераканаць значную частку нашага грамадства ў неабходнасці змагання за вольную, дэмакратычную і незалежную Беларусь — наш агульны Дом», — гаворыцца ў прэс-рэлізе партыі.
Выглядае, што яшчэ большую крытыку за ўлады зазнала так званая «псеўдаапазіцыя».
У выніку Зянон Пазняк быў адзінагаласна пераабраны старшынёй партыі. Не адбылося ратацыі і на астатніх пасадах. Юрый Беленькі застаецца выканаўцам абавязкаў старшыні ўнутры Беларусі, а Сяргей Папкоў — намеснікам старшыні.
Зянону Пазняку 73 гады. Ад 1996 года ён знаходзіцца ў эміграцыі. КХП-БНФ Пазняк бязменна ўзначальвае ад 1993 года.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома7
Каментары