Была гісторыя: мінскі фатограф Антон Матолька апублікаваў фота «БМВ», запаркаванай нахабам на тратуары. Тады «круты пацан на БМВ» стаў пагражаць Матольку ў сацсетках. Прычым настолькі, што фатограф вымушаны быў адкрыць іх перапіску публіцы, каб перастрахавацца.
Мажора звалі Вячаслаў Карнеявец, Матолька раскапаў, што ён сын уплывовых бацькоў. Ягоная маці — сузаснавальніца медцэнтра «Нардзін» і прадпрыемстваў у медыцынскай сферы ў Расіі. Бацька — трэнер нацыянальнай каманды па веславанні.
І вось імя Карнеяўца ўсплыла ў новым скандале.
У дачыненні да дырэктара фітнэс-цэнтра «Нардзін» Вячаслава Карнеяўца распачата крымінальная справа, паведамляе Следчы камітэт. Аказваецца, гэта ён за рулём таго самага белага БМВ падбіў машыну таксі на вуліцы Кальварыйскай у Мінску ў ноч на 7 кастрычніка.
Карнеявец не даў рады кіраванню і ўрэзаўся ў слуп, а ад яго машыну адкінула ў суседні аўтамабіль. Пасля сутыкнення ён паспрабаваў збегчы, лічыць ДАІ Мінска.
Выявілася, што ў Карнеяўца было 0,94 праміле алкаголю.
Кіроўцу таксі пасля аварыі даставілі ў рэанімацыю. У яго былі закрытыя чэрапна-мазгавыя траўмы — вельмі цяжкія, а таксама пераломы левай і правай лапатак і папярочнага адростка хрыбта. Таксіст трапіў у кому, выйшаў з яе ненадоўга і зноў пагрузіўся ў кому.
Цяжка сказаць, ці застанецца таксіст жывы. Варта адзначыць, што ён — малады тата. Яго дзіцяці — 2 гады 9 месяцаў, яго жонка — у дэкрэце.
Следчыя расшукваюць Карнеяўца.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары