Як выглядае ізраільская беспілотная падводная лодка-робат ФОТА
Спецыялісты ізраільскага ўніверсітэта Бэн-Гурыён стварылі падводную лодка-робата HydroCamel II. Апарат можа рабіць цэлы шэраг рэчаў, на якія не здольныя канкурэнты.
Апарат HydroCamel II першапачаткова ствараўся з прыцэлам на яго выкарыстанне ў вайсковай галіне, у сувязі з чым колькасць вядомых тэхнічных дадзеных вельмі абмежаваная. Гэты 2,4-метровы апарат можа быць абсталяваны самым разнастайным начыннем, такім як гідралакацыйныя сістэмы, камеры розных тыпаў і маніпулятары для выканання рознай працы. Вядома, што праца робата арганізаваная з дапамогай нейронных сетак.
Акрамя выкарыстання HydroCamel II у вайсковых мэтах, дапускаецца яго прымяненне ў сістэмах аховы і бяспекі акваторый партоў, нафтавых і газаздабыўных марскіх платформаў, для правядзення даследаванняў акіяна і экалагічнага маніторынгу.
У цяперашні час распрацоўкай і выпускам робатаў HydroCamel II займаецца адмыслова арганізаваная для гэтага кампанія пад назвай BG Robotics. І, згодна з наяўнай інфармацыяй, «кошт робата HydroCamel II з'яўляецца канкурэнтаздольным у параўнанні з коштам іншых падводных апаратаў таго ж класа».
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары