Камандзір Унутраных войскаў Караеў: Расказваем салдатам пра сталіцы ВКЛ, даводзім да ладу веды па гісторыі Беларусі
«Наша Ніва» падчас прамой тэлефоннай лініі задала пытанне намесніку міністра ўнутраных спраў, камандуючаму ўнутранымі войскамі Юрыю Караеву.
«Як ва Унутраных войсках наладжана сістэма патрыятычнага выхавання салдат і якая роля адводзіцца беларускай мове?» — спыталіся мы.
«Ідэалагічная работа працінае ўсе сферы жыцця жаўнераў, пачынаючы ад паходу у сталовую і да заняткаў па баявой падрыхтоўцы: скажам, што калі ён страляе з аўтамата ці адпрацоўвае прыёмы рукапашнага бою, то ён гэта робіць каб абараніць Радзіму, незалежнасць і тэрытарыяльную цэласнаcць, а не каб навучыцца страляць і біцца дзеля забавы — пра гэта гаворыцца і наўпрост, і ўскосна», — патлумачыў Караеў.
Па яго словах, для тых, хто служыць ва ўнутраных войсках, ёсць спецыяльны прадмет — ідэалагічная падрыхтоўка. «Даводзім да ладу ўсе веды па гісторыі і геаграфіі Беларусі: вобласці, гарады, сталіцы ВКЛ — у якія часы дзе што было. Калі школа дапусціла прабелы ў вывучэнні гісторыі, то мы іх выпраўляем. Бо без ведання гісторыі сваёй краіны ідэалогіі і патрыятызму быць не можа, уласна», — запэўнівае ён.
«Таксама у бібліятэках падборка літаратуры па-беларуску: і вершы, і проза, але мы не навязваем, на якой мове чытаць і што, — працягвае Караеў. — Мы тлумачым, што ўсё, чым займаемся, мае на мэце абарону канстытуцыйнага ладу, выхаванне патрыятызму і любові да нашай зямлі, маці, Радзімы. Заўжды тлумачым, што мы — гэта абарона грамадзян, а не карны меч рэвалюцыі, як гэта раней пра органы ВЧК-НКВД казалі».
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары