Ад рэдакцыі219219

«Наша Ніва» мяняе палітыку мадэрацыі каментароў

Колькасць каментаў у «НН» расце нават хутчэй за колькасць праглядаў. У 2017 годзе колькасць праглядаў у нас павялічылася на 11% проці 2016 года, а каментаў — аж на 20%.

У той жа час нам па-ранейшаму складана дабівацца культуры дыскусіі. Мы разумеем чаму. У Ютубе, Укантакце, Твітары многія людзі пішуць з мацюкамі, спаборнічаюць у абразах, якія ў твар не рашыліся б сказаць, бо атрымалі б моцны адказ. І гэтыя звычкі людзі пераносяць на наш сайт.

Для нас гэта непрымальна. Беларусь тады будзе моцная, калі яна будзе культурная. Культура абараняе нацыі лепш за любую зброю.

Наш мадэратар стараецца як можа, але ранейшыя метады не працуюць, бо вал каментаў завялікі. Мы вырашылі пайсці на радыкальныя меры. Яны, магчыма, павысяць долю каментаў, якую мы будзем выдаляць, але гразі стане менш.

Або трымайцеся нашых правіл, або пішыце ў іншым месцы. Мы больш не будзем вышукваць у каменце слова «мразь», выдаляць яго, шукаць наступнае непрымальнае слова, а пасля камент прымаць. Такі камент будзе выдаляцца цалкам, і да пабачэння.

Ёсць каментатары, у якіх кожны другі камент парушае правілы. Мы больш не маем магчымасці аддзяліць жыта ад пустазелля. Калі нейкі каментатар парушае не раз, усе ягоныя каменты будуць выдаляцца аўтаматам.

Цяпер мы часта пішам «Рэд. Выдалена», каб паказаць чалавеку, што той ягоны каментар парушае нормы закона ці маралі. Зараз мы пераважна будзем проста выдаляць, не марнуючы час на напісанне пазнакі.

 

Правілы каментавання

Не будуць прымацца наступныя выказванні:

  1. Каменты, якія ўтрымліваюць ненарматыўную лексіку і непрыстойнасці.
  2. Каменты, якія ўтрымліваюць турэмны жаргон.
  3. Каменты, што ўтрымліваюць міжнацыянальныя, міжрэлігійныя ды іншыя выпады, таксама тыя, у якіх з негатывам падкрэсліваецца паходжанне ці нацыянальныя традыцыі, у якіх замест саманазоваў нацый выкарыстоўваюцца мянушкі (бульбашы, маскалі, хахлы, свядомыя, рагулі, пшэкі, ватнікі і г.д.).
  4. Каменты, якія ставяць пад сумнеў права беларусаў на ўласную культуру, мову, дзяржаву, а таксама ксенафобскія каментары.
  5. Каменты, у якіх выказваецца радасць з нагоды заведама трагічных падзей: смерцяў, аварый, катастроф.
  6. Каменты, у якіх перакручваюцца, абыгрываюцца імёны і прозвішчы.
  7. Каментары, якія ўтрымліваюць заўвагі пра фізічныя недахопы людзей — крытыкуйце ўчынкі, а не выгляд (атлусцелы, перакошаная і г.д.).
  8. Каменты, якія ўтрымліваюць заклікі да гвалту ці самасуду.
  9. Каменты, якія ўтрымліваюць параўнанні людзей ці арганізацый з нацыстамі.
  10. Каменты, якія ўтрымліваюць дадумкі пра інтымнае жыццё герояў публікацыі.
  11. Каменты, у якіх праводзіцца параўнанне людзей з жывёламі, якія заведама маюць негатыўную канатацыю: арлом называць можна, шакалам ці баранам — не.
  12. Каменты, у якіх людзей называюць злачынцамі, пакуль гэта не даказана судом.
  13. Наўпроставыя і іншасказальныя пажаданні смерці, пакутаў ці фізічных калецтваў.
  14. Каменты, у якіх аб'екты, з'явы ці ўчынкі параўноўваюцца з працэсамі чалавечай фізіялогіі, дзе ёсць усякія анальныя і фекальныя асацыяцыі.
  15. Каменты, скіраваныя супраць «Нашай Нівы» ці асобы аўтара. Ацэньвайце артыкул, а не аўтара.
  16. Бессэнсоўныя каменты, флуд, спам.
  17. Неапраўдана доўгія каменты ці цытаванні. Яны могуць выдаляцца проста таму, што мадэратару няма калі іх вычытваць.
  18. Рэкламныя паведамленні і каменты, якія ставяць сваёй мэтай толькі рэкламу тых ці іншых персон, арганізацый, партый, рухаў. Гіперспасылкі на іншыя сайты (мы, як правіла, не маем магчымасці правяраць, што там).
  19. Каменты, якія ўтрымліваюць асабістую інфармацыю (адрасы, тэлефоны, іншыя кантактныя звесткі).
  20. Спрэчкі з мадэратарамі, парады і абмеркаванне рашэнняў мадэратараў.
  21. Апошняе і самае галоўнае. Мадэратар адцяпер будзе мець права выдаляць каменты суб’ектыўна, проста за брудны, бескультурны тон.

Калі вам здаецца, што вышэйшыя правілы не дазваляюць напоўніцу выказаць вашае меркаванне, то ўспомніце пра магчымасць падзяліцца матэрыялам у сацыяльных сетках — на ўласнай старонцы вы можаце пісаць што хочаце.

Свабода слова — яна як жывая вада. Давайце не брудзіць крыніцу, з якой п’ём.

Каментары219

  • Qwerty
    03.07.2022
    !!!
  • Qwerty
    03.07.2022
    ®
  • Ирина
    03.07.2022
    Я из Украины, сейчас живу в Финляндии...
    Ваш сайт читаю с августа 2020!..
    Большое спасибо за всю вашу работу, и открытие возможности комметировть статьи - огромный шаг на пути в Свободе! Жыве Беларусь!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася7

20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася

Усе навіны →
Усе навіны

Кадыраў рыхтуе перадачу ўлады6

Прапаганда кпіць з колькасці зняволеных у Польшчы, забыўшыся паглядзець на беларускія турмы1

Прэм'ер Славакіі скокнуў у Дунай, каб даказаць, што здаровы5

«Мой дзед удзельнічаў у разгоне Усебеларускага з’езда!» Што расіяне пішуць пра Беларусь і беларускую гісторыю пад відэа Тамары Эйдэльман14

Авечкін падарыў Лукашэнку джэрсі са сваім аўтографам13

Украінскія дроны атакавалі Расію

«Засталося ўсяго 6 кватэр у горадзе». На выходныя 9 мая разабралі арэндныя кватэры ў Гродне, Брэсце і Мінску. Цэны ўражваюць5

Трамп вырашыў прыцягнуць Эрдагана для спынення вайны ва Украіне3

Арыштаваны каліновец Васіль Грачыха19

больш чытаных навін
больш лайканых навін

20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася7

20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася

Галоўнае
Усе навіны →

Заўвага:

 

 

 

 

Закрыць Паведаміць