Прагаласуйце — абярыце пераможцу конкурсу, які выйграе Samsung Galaxy A8|A8+
Вось і прыйшоў, як кажуць, момант ісціны: з 35 фотаздымкаў, дасланых на конкурс «Нашай Нівы» і Samsung Galaxy A8|A8+, журы абрала тры найлепшыя сэлфі. Тое фота, што ў выніку адкрытага галасавання, якое працягнецца па 16 мая ўключна, збярэ найбольш галасоў, і стане пераможным. Яго аўтар атрымае ў падарунак адразу два новыя смартфоны Samsung Galaxy A8 і Samsung Galaxy A8+ — адзін для сябе і адзін для ўнука.
Аддаць свой голас
Фіналістаў вызначылі вядомая пара фатографаў Лейдзік + Канаплёў і фатограф «Нашай Нівы» Сяргей Гудзілін. Што іх падкупіла ў гэтых сэлфі? Шчырасць, непасрэднасць і эстэтыка кадра.
Фіналістка 1 — Марыя Азбука (калі для сваіх, то проста MC Azbuka)
Жыве ў вёсцы Муравейніца Калінкавіцкага раёна Гомельскай вобласці. У свае 77 год годна спраўляецца з роляй маленькага палкаводца ўсёй сям’і. Як бачна па фотаздымку, вельмі любіць кветкі: увесь двор Марыі Фёдараўны запоўнены кустоўем, клумбамі і жывой агароджай. З-за спіны спадарыні Азбукі выглядвае яе ўнучка Наталля, якая і вучыла бабулю рабіць сэлфі. «Яна дзівілася, войкала і галасіла, але мы гэта зрабілі», — дзеліцца маленькай перамогай дзяўчына. Відавочна, Марыі Фёдараўне гэта прыйшлося даспадобы, таму пазней яны апублікавалі ў інстаграме яшчэ адзін фотаздымак.
Фіналістка 2 — Алена Трафімовіч
Спадарыні Алене цяпер 79 гадоў, жыве яна на Слонімшчыне. Раней працавала бухгалтаркай Вастраўскога сельгасу. Сёння яна не толькі ўмее рабіць сэлфі, але і валодае інтэрнэтам і скайпам. Спадарыня Алена глядзіць анлайн са службаў у розных касцёлах Польшчы і відэазаняткі па вязанні. Яна наперад, раней за дзеда, які пастаянна глядзіць «Панараму», даведваецца пра ўсе навіны свету.
Фіналістка 3 — Аляксандра Шчэмер
Сцвярджаюць, што гэтая 78-гадовая барысаўчанка — сапраўдная зорка свайго роднага горада. Аляксандра Дзмітрыеўна ўсё жыццё прысвяціла медыцыне: спачатку была акушэркай у вёсцы, куды яе размеркавалі, а потым больш за 40 гадоў правяла ў траўматалагічным аддзяленні барысаўскага шпіталя. Пасля выхаду на пенсію, сцвярджае ўнучка Даша, жыццё не зменшыла тэмп ні на хвіліну. Спадарыня Аляксандра — старшыня савета ветэранаў ад бальніцы, удзельніца народнага хору. А ў вольны час яна змагаецца за чысціню і парадак у сваім двары, пільна сочыць, каб аўтамабілісты не паркаваліся на зялёнай зоне, і высаджвае кветкі ля свайго пад’езда.
А цяпер, шаноўныя чытачы, вырашыце, за каго з іх вы аддасцё свой голас! Запускаем народнае галасаванне, вынікі — 16 мая. Паехалі!
Прагаласаваць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары