500 удзельнікаў сабраліся ў Мінску на «Мінскі дыялог» — канферэнцыю, якая сабрала ў беларускай сталіцы дыпламатаў і аналітыкаў з Захаду і Расіі, а таксама шматлікіх беларускіх чыноўнікаў. Канферэнцыя праходзіць у гатэлі Marriott, а ў чацвер перад удзельнікамі выступіць Аляксандр Лукашэнка.
«Мінскім дыялогам» апякуюцца беларускія ўлады, але фармальным арганізатарам выступае недзяржаўная экспертная ініцыятыва, якую ўзначальвае Яўген Прэйгерман. Яна вырасла з аналітычнага асяродку «Ліберальнага клуба». У падрыхтоўцы «Мінскага дыялогу» браў удзел і Дзяніс Мельянцоў, у мінулым — аналітык BISS.
Вось схемы рассадкі гасцей форуму ў зале падчас выступу Аляксандра Лукашэнкі.
У першым шэрагу гасцей будуць сядзець былыя міністры замежных спраў Беларусі ад Пятра Краўчанкі да Сяргея Мартынава.
А вось топ-чыноўнікам аддалі другі шэраг. Там разам Наталляй Качанавай і Уладзімірам Макеем гасцей, а перадусім кіраўніка дзяржавы будуць слухаць таксама старшыня Камітэта дзяржаўнай бяспекі Валер Вакульчык і міністр абароны Андрэй Раўкоў.
Дэпутатаў Нацыянальнага сходу пасадзілі пераважна ў трэці шэраг. Сярод іх і Алена Анісім ды Ганна Канапацкая, два люстэркі апошняй лібералізацыі.
У іншым сектары ў першым шэрагу рассаджваюць гасцей з замежных фондаў і аналітычных цэнтраў, якія спрычыніліся да арганізацыі форуму. Сярод іх Вольфганг Зэндэр з Фонду Адэнаўэра і Цімур Анука з Еўрапейскага фонду ў падтрымку дэмакратыі.
Агулам жа месцы ў зале размеркаваныя так:
Прэс-сакратарка прэзідэнта Наталля Эйсмант і супрацоўніца службы пратакола Дар'я Шманай, а таксама памочнік па агульных пытаннях Мікалай Латышонак сядзяць на далёкім шэрагу.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым4
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары