Хто такі Сяргей Раўнейка, затрыманы на хабары ў 200 тысяч даляраў?
Затрыманне чыноўніка такога высокага рангу — рэдкасць для Беларусі. А тут яшчэ і сума хабару ўражвае, аж 200 тысяч даляраў. Адна з найбольш гучных крымінальных справаў апошніх гадоў. Хто ж такі Сяргей Раўнейка?
Яшчэ ад 2000-ых ён узначальваў гродзенскі Дзяржкантроль. У 2013 годзе Раўнейку перавялі ў Мінск. У цэнтральным апараце Дзяржкантролю ён курыраваў заходні рэгіён.
А ў 2015-м Лукашэнка прызначыў яго сваім памочнікам усё па той жа Гродзеншчыне.
У прыватнасці, Раўнейка кантраляваў будаўніцтва ў Астраўцы атамнай станцыі. У ягоную сферу таксама ўваходзіла дрэваапрацоўка. Дастаткова важная галіна для нашай краіны і асабліва для кіраўніка дзяржавы.
«Каб не ўзнікала праблем, неабходна дакументальна афармляць адносіны і весці бізнэс празрыста», — цытата Раўнейкі з сёлетняга прыёму грамадзян у Ашмянах.
«Кожнаму неабходна памятаць пра свае карані, захаваць каштоўнасці, закладзеныя нашымі продкамі. Праз гэтыя каштоўнасці можна атрымаць здаровае грамадства», — яшчэ адна цытата Сяргея Раўнейкі.
«Абыякавасць чыноўніка любога ўзроўню да праблем людзей недапушчальна», — гэтыя словы Сяргеем Раўнейкам былі сказаныя падчас размовы з людзьмі ў Воранаўскім раёне.
«Народ зрабіў свядомы выбар за стабільную і квітнеючую Беларусь, за прагрэсіўнае, эвалюцыйнае развіццё краіны. Высокі працэнт даверу, які жыхары ўсіх рэгіёнаў аказалі кіраўніку краіны, пацвердзіў, што абраны ім палітычны курс правільны, што мы, беларусы, адзіныя ва ўсіх нашых памкненнях, у дасягненні мэты, і мы гэтую мэту бачым вельмі выразна», — словы памочніка прэзідэнта пасля прэзідэнцкіх выбараў 2015 года.
Пракуратура пра смерць Мелказёрава: журналіст меў хранічную хваробу17
Каментары