Макей адказаў Мядзведзеву: Будзем працаваць над умацаваннем нашага суверэнітэту
Беларусы на працягу многіх стагоддзяў марылі аб незалежнасці, таму сёння краіна проста абавязаная заставацца суверэннай. Так кіраўнік МЗС Уладзімір Макей пракаментаваў словы Дзмітрыя Мядзведзева аб «больш паглыбленай інтэграцыі», піша Tut.by.
— Я лічу, што, калі спытаць пераважную колькасць грамадзян нашай краіны, яны адназначна скажуць, што Беларусь павінна заставацца незалежнай і суверэннай дзяржавай. Пра гэты суверэнітэт і незалежнасць мы марылі, думалі на працягу многіх-многіх стагоддзяў. У нашай сучаснай гісторыі мы дамагліся гэтага, таму мы павінны і далей працаваць над умацаваннем нашага суверэнітэту. Зразумела, што, як кажа прэзідэнт, гэта дорага каштуе, але мы павінны разумець гэта і павінны зрабіць так, каб кожны ўносіў ўклад у гэты працэс — ва ўмацаванне нашага суверэнітэту, незалежнасці і тэрытарыяльнай цэласнасці, — сказаў Уладзімір Макей пасля цырымоніі ўзняцця сцяга Міністэрства замежных спраў Беларусі.
Новы сцяг МЗС Уладзімір Макей назваў баявым сцягам і адзначыў, што сёння ведамства не змагаецца на полі бою са зброяй у руках, але дыпламаты вядуць баталіі ў палітычнай, эканамічнай, гуманітарнай і іншых сферах на міжнародных пляцоўках.
Нагадаем, на пасяджэнні саюзнага Саўміна ў Брэсце прэм'ер-міністр Расіі Дзмітрый Мядзведзеў абвясціў умову, пры якой Расія гатовая пайсці на саступкі па пытанні нафты і газу, - «больш паглыбленая інтэграцыя» у рамках дагавора аб стварэнні Саюзнай дзяржавы ад 8 снежня 1999 года. Згодна з дакументам, у краін павінна быць адзіная валюта, адзіны суд, адзіная мытня, а таксама адзіны парламент.
Аляксандр Лукашэнка, каментуючы словы Мядзведзева, сказаў, што «разумее гэтыя намёкі: атрымайце нафту, але давайце разбурайце краіну і ўступайце ў склад Расіі», і заявіў, што Беларусь ніколі ня ўвойдзе ў склад суседняй дзяржавы.
Пазней у Крамлі заявілі, што тэма магчымага аб'яднання Расеі і Беларусі ў адзіную дзяржаву не абмяркоўваецца.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША40
Каментары