У Лідзе паставяць помнік Гедыміну — стала вядома, як ён будзе выглядаць ВЫЯВЫ
Усталююць яго на скрыжаванні вуліц Грунвальдскай і Замкавай, каля паўночнай сцяны Лідскага замка.
У Лідзе, каля сцен старажытнага замка, усталююць трохтонны бронзавы помнік заснавальніку горада - вялікаму князю Гедыміну. Адкрыццё помніка плануецца ў верасні і будзе прысвечана 75-годдзю Гродзенскай вобласці, паведамляе «Гродзенская праўда».
- Гэта будзе статуя на высокім пастаменце, князь у вобразе вершніка на кані, і ўсталююць яе на скрыжаванні вуліц Грунвальдскай і Замкавай, каля паўночнай сцяны Лідскага замка, —
распавядае намеснік старшыні Лідскага райвыканкама Віктар Пранюк. — Праект рэалізуецца выключна за кошт пазабюджэтных, бязвыплатных (спонсарскіх) ахвяраванняў грамадзян і арганізацый, у тым ліку заробленых на суботніках.
Ідэя ўсталявання помніка ўзнікла некалькі гадоў таму. 2 кастрычніка 2017 года рашэннем Лідскага раённага выканаўчага камітэта быў абвешчаны конкурс на стварэнне помніка «Заснавальнік замка - князь Гедымін».
Прафесійнае журы з удзелам вядучых скульптараў, архітэктараў і гісторыкаў, а таксама прадстаўнікоў Міністэрства культуры і ўладаў Ліды абрала пераможцу: сумесны праект сталічных скульптараў Сяргея Аганава і Вольгі Нячай у супрацоўніцтве з архітэктарам Сяргеем Багласавым.
— На апошнім пасяджэнні мастацкай рады аўтары прадставілі рабочую мадэль помніка ў маштабе 1:4, якая была прынятая адзінагалосна, - распавядае Наталля Леўшунова, начальнік аддзела культуры Лідскага райвыканкама. - Цяпер яе перавозяць на Мінскі мастацкі камбінат, дзе да красавіка вырабяць помнік у мяккім матэрыяле ў поўную велічыню. І толькі потым, пасля зацвярджэння мастацкай радай, выльюць з бронзы.
Па словах мастака Сяргея Аганава, Які стварыў Войта на Ратушнай плошчы ў Мінску і Настассю Слуцкую ў Слуцку, помнік Гедыміну — аб'ект міжнароднага маштабу. Вобраз вялікага князя будзе максімальна адпавядаць гістарычнай праўдзе.
Паставяць трохтонную бронзавую скульптуру на пастамент з граніту Ладажскага радовішча барвова-шэрага колеру. Усталяваць помнік плануюць у жніўні, а адкрыць - у верасні на свяце горада.
— Гэта даніна павагі да гістарычнай асобы і дзяржаўнага дзеяча, які змог аб'яднаць мультыкультурнае і рознамоўнае Вялікае Княства Літоўскае, - падкрэслівае Віктар Пранюк. - Ён з'яўляўся адным з самых яскравых прыкладаў мудрага кіраўніка-патрыёта, сімвалізуе справядлівасць і адзінства.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары