Форвард «Атлетыка» Антуан Грызман пакіне каманду па завяршэнні сезона. Мадрыдскі клуб пацвердзіў сыход 28-гадовага форварда, піша sports.ru
Раней паведамлялася, што француз працягне кар'еру ў «Барселоне». З 1 ліпеня адступныя ў кантракце футбаліста з «Атлетыка» скароцяцца з 200 мільёнаў еўра да 120 мільёнаў.
«Гэта былі выдатныя пяць гадоў, дзякуй вам за ўсё, вы назаўжды ў маім сэрцы», — заявіў Грызман у звароце да заўзятараў «Атлетыка».
Грызман перайшоў у «Атлетыка» з «Рэала Сасьедада» летам 2014 году прыблізна за 30 мільёнаў еўра.
Усяго ён правёў за мадрыдскую каманду 256 матчаў ва ўсіх турнірах і забіў 133 галы.
У сезоне-2017/18 Антуан разам са сваім клубам выйграў Лігу Еўропы і Суперкубак УЕФА, а ўлетку 2018 года разам са зборнай Францыі стаў чэмпіёнам свету.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі42
Каментары