Падазраваны — 21-гадовы хлопец, яго затрымалі. Сярод загінулых трое грамадзян Мексікі. Паліцыя расцаніла тое, што здарылася, як злачынства на глебе нянавісці, паведамляе РБК.
У выніку страляніны ў гандлёвым цэнтры ў горадзе Эль-Паса (штат Тэхас) у суботу, 3 жніўня, загінулі 20 чалавек, яшчэ больш за 20 атрымалі раненні, паведаміў губернатар штата Грэг Эбат, перадае CNN.
Трое загінулых — мексіканцы, яшчэ шэсць грамадзян гэтай краіны пацярпелі, паведамляе Reuters са спасылкай на прэзідэнта Мексікі Андрэса Мануэля Лопеса Абрадора і МЗС дзяржавы.
Падазраваны быў затрыманы, ім аказаўся 21-гадовы Патрык Крузіус. Стралок трапіў на камеры відэаназірання, на кадрах бачна, як ён заходзіць у будынак са зброяй у руках.
У сацсетках распаўсюдзілі маніфест, нібыта напісаны стралком. Аўтар дакумента выступае супраць мігрантаў і кажа пра сімпатыі да стралка з Новай Зеландыі, які забіў 51 чалавека ў сакавіку гэтага года, піша The Washington Post. Крыніцы CNN сцвярджаюць, што праваахоўнікі вывучаюць маніфест, пакуль не пацверджана, што яго аўтарам з'яўляецца Крузіус.
Пасля стральбы Facebook выдаліў акаўнты падазраванага.
Генпракурор Тэхаса Кен Пакстан заявіў, што яго не здзівіць, калі аўтарам маніфесту апынецца падазраваны. «Я думаю, гэта можа праліць святло на тое, чаму ён гэта зрабіў», — сказаў Пакстан у эфіры CNN.
Нападніка ўзялі пад варту «без інцыдэнтаў». Прадстаўнік паліцыі Эль-Паса Роберт Гомес лічыць, што большасць ахвяр былі забітыя ў будынку гандлёвага цэнтра. Паводле яго слоў, падчас інцыдэнту там знаходзіліся каля 3 тысяч чалавек.
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары