Рэктар МІУ Суша некалі пісаў Случаку: Вывучайце рускую мову, пашырыце свой кругагляд
На фоне скандалу з МІУ актывіст Ігар Случак на сваёй старонцы ў фэйсбуку нагадаў пра скандальны ліст рэктара гэтага ўніверсітэта Мікалая Сушы ў 2010 годзе.
Тады рэктар МІУ Мікалай Суша на прапанову даць беларускамоўны адказ на беларускамоўны пісьмовы зварот адказаў даволі дзёрзка.
«У адпаведнасці з арт. 17 Канстытуцыі Рэспублікі Беларусь дзяржаўнымі мовамі ў Рэспубліцы Беларусь з'яўляюцца беларуская і руская. У Мінскім інстытуце кіравання ўсё справаводства вядзецца на рускай, гэта значыць дзяржаўнай мове. Калі Вы, спадар Случак, не валодаеце адной з дзяржаўных моў — рускай, то раю Вам заняцца яе вывучэннем. Вывучыўшы рускую мову, Вы тым самым зможаце падняць свой культурны ўзровень і некалькі пашырыць кругагляд, што існуе ў Вас.
На гэтым перапіску па ўзнятым Вамі пытанні лічу скончанай, паколькі яе працяг не мае сэнсу і з'яўляецца пустым марнаваннем дарагога працоўнага часу.
Жадаю Вам поспехаў у вывучэнні рускай мовы. Гэта тым больш важна, што адным з крытэрыяў вызначэння культурнага ўзроўню чалавека заўсёды лічылася валоданне ім не адной, а дзвюма ці некалькімі мовамі».
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца16
Каментары