Судзяць анархістаў, якія няўдала спрабавалі дакінуць «кактэйль Молатава» да Валадаркі. Шкода — 1,5 рубля ФОТЫ
У судзе Савецкага раёна Мінска пачаўся працэс па справе двух анархістаў. Мікіту Емяльянава і Івана Комара вінавацяць у дзвюх акцыях, іх могуць пасадзіць на тэрмін да 12 гадоў.
Абодвум па 19 гадоў. Комар да затрымання працаваў сталяром, Емяльянаў працаваў кур’ерам.
Абодва юнакі пад вартай з кастрычніка 2019 года. Па версіі следства, Емяльянаў і Комар у верасні закідалі будынак Мінскага гарадскога суда лямпачкамі з фарбай, а ў кастрычніку кінулі «кактэйль Молатава» ў СІЗА на Валадарскага. Такім чынам хлопцы выказалі пратэст супраць суда над іншым анархістам — Змітром Паліенкам.
Цяпер Емяльянава і Комара могуць пакараць па двух артыкулах крымінальнага кодэкса: вытворчасць і выкарыстанне таго «кактэйля Молатава» і замах на наўмыснае пашкоджанне гісторыка-культурнай каштоўнасці, здзейсненае групай асоб. Пакаранне суворае: ад 3 да 12 гадоў.
Яшчэ калі хлопцы былі ў СІЗА, іх паплечнікі паведамлялі, што ад паказанняў і супрацы са следствам Емяльянаў адмовіўся, у адрозненне ад Комара.
Шкоду будынку суда ад дзеянняў хлопцаў ацанілі ў 140 рублёў, Валадарка ж «пацярпела» на 1,5 рубля, бо гаручае рэчыва ў «кактэйлі Молатава» не загарэлася. Дарэчы, усю шкоду яны ўжо аплацілі, але віну не прызнаюць.
Падтрымаць анархістаў прыйшлі Мікола Дзядок, Яўген Афнагель, Вольга Мікалайчык і пару дзясяткаў сяброў. У сваю чаргу, міліцыя выставіла аж дзве рамкі металашукальнікаў на ўваходзе, кожнага даглядалі перад залай суда, каля будынка дзяжурыў АМАП, а вакол клеткі з абвінавачанымі стаяла ажно пяцёра міліцыянтаў у бронекамізэльках. Такія меры бяспекі не прымяняюцца нават на працэсах над забойцамі.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары