Рэдактар «СБ» пра недзяржаўных журналістаў: Гэта гніды і мразі, патрэбны кулі і эмігранцкі параход
У адной з фэйсбук-суполак аўтар «Советской Белоруссии» Дзмітрый Крат абурыўся тым, што «гэтыя рабяты» [з кантэксту — недзяржаўныя СМІ] пры асвятленні афіцыйнай статыстыкі па захварэлых на COVID-19 робяць акцэнт на агульнай колькасці выпадкаў каранавіруса, а не колькасці тых, хто вылечыўся.
Калега Крата, рэдактар аддзела журналісцкіх расследаванняў Раман Рудзь першым жа каментам задаў тон абмеркаванню.
«Гэта звычайныя гніды і мразі, нічога чалавечага ў іх няма, таму з імі трэба гаварыць з іншых пазіцый, як з нелюдзямі і паскуддзем», — пракаментаваў Раман Рудзь і дадаў, што замест словаў лепш кулі.
Потым Рудзь, які нарадзіўся ў Расіі, а вырас у Манголіі, высунуў ідэю выслаць журналістаў Tut.by і «Нашай Нівы» з Беларусі ў Польшчу эмігранцкім параходам, бо «яны не патрэбны краіне, гэта паразіты на яе целе».
Прапанову Рудзя лайкамі падтрымалі музычны крытык «СБ» Юлія Андрэева, рэдактар часопіса «Спецназ» Андрэй Дземянцеўскі, «казак» Пятро Шапко і іншыя персанажы.
«Наша Ніва» пісала пра Крата і Рудзя — дзеячоў аддзела расследаванняў «СБ», у задачы якога ўваходзіць не пошук невядомых значных фактаў, а мастацкае перапісванне атрыманай ад сілавікоў інфармацыі.
Займальны факт — ураджэнец украінскай Горлаўкі Крат настолькі прынцыповы ў сваіх поглядах, што спецыяльна змяніў у пашпарце транслітэрацыю свайго прозвішча з беларускага варыянту «Крат» на расійскі «Крят».
Чытайце: Журналісты «Советской Белоруссіі» Дзмітрый Крат і Раман Рудзь, якія радаваліся затрыманню калег, — хто яны такія і адкуль узяліся
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары