У арыштаванага аператара Сяргея Ціханоўскага прайшоў ператрус. Канфіскавалі два кубкі
Арцёму Сакаву, які працаваў аператарам арыштаванага блогера Сяргея Ціханоўскага, выставілі абвінавачанне па артыкуле 342 КК (арганізацыя і падрыхтоўка дзеянняў, якія груба парушаюць грамадскі парадак). Аператара затрымалі ў Гродне 31 мая каля 23.00. Пазней перавялі ў Мінск, піша «Радыё Свабода».
Цяпер Арцём Сакаў, як і Ціханоўскі і яшчэ 7 ягоных паплечнікаў, знаходзіцца ў мінскім СІЗА на вуліцы Валадарскага.
Маці Арцёма жыве ў Карме Гомельскай вобласьці. У яе прайшоў ператрус.
«Не ведаю, што яны шукалі… Але забралі толькі два кубкі з лагатыпам «Краіна для жыцця». Следчы з намі не звязваўся. Адзінае, што паведаміў, што Арцёма ўзялі пад варту», — сказала «Свабодзе».
Яна кажа, што на відэа з інцыдэнту ў Гродне добра відаць, што Арцёма не было побач ў момант здарэння, ён стаяў далей.
«Але пра што казаць, калі яны [міліцыя] хапалі людзей з-за столікаў, якія збіралі подпісы? Арцём, наколькі я ведаю, цяжка гэта перажывае. Гэта ўсё вельмі цяжка. Але ўсе, хто нас ведае, падтрымліваюць нас», — дадала Ларыса.
Сям’я наняла адваката, вазілі ў СІЗА перадачы для Арцёма.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары