Штаб Бабарыкі: Заклікаем усіх прыйсці на выбарчыя ўчасткі 9 жніўня
Пра гэта заявіла на прэс-канферэнцыі ў Мінску прадстаўнік штаба Бабарыкі Марыя Калеснікава.
«Калі Віктара Бабарыку не дапусцілі да рэгістрацыі, улада паказала свой страх, што ў нас быў моцны кандыдат. Нам проста плюнулі ў твар. Але сёння ўсё толькі пачынаецца», — сказала яна.
Марыя Калеснікава заклікала ўсіх прыйсці менавіта 9 жніўня на выбарчыя ўчасткі, а не заставацца дома.
«Мы павінны прыйсці на ўчасткі 9 жніўня», — сказала яна, дадаўшы, што прагаласаваць можна за каго заўгодна.
Яна таксама заклікала не паддавацца на правакацыі. Таксама штаб не гатовы пакуль весці перамовы аб аб'яднанні.
Штаб будзе падаваць скаргу ў Вярхоўны суд на нерэгістрацыю Віктара Бабарыкі.
Юрыст Максім Знак пракаментаваў заклікі выходзіць на плошчы гарадоў. «9 жніўня галасаванне ўсе роўна будзе. І як мы падыдзем да гэтага дня, важна», — сказаў ён.
«Што тычыцца грамадзян, якія выходзяць на мірныя акцыі, то ў людзей ёсць права на такія акцыі без парушэння парадку, як і казаў Віктар Бабарыка».
Апытанка
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску23
Каментары