Кандыдат у прэзідэнты Святлана Ціханоўская сёння пасля эстраннага выкліку ў ЦВК коратка пракаментавала сітуацыю.
«Я не буду паўтарацца і казаць тое, што расказалі вам папярэднія кандыдаты [Дзмітрыеў і Чэрачэнь]. Яны ўсё расказалі. Толькі скажу, што ўсе нашы мерапрыемствы будуць праходзіць у штатным рэжыме, нічога не адмяняецца. Будуць металашукальнікі, агароджы. Але нічога страшнага, прыходзьце на пікет», — сказала Святлана Ціханоўская.
Нагадаем, што сёння плануецца вялікі мітынг у падтрымку Святланы Ціханоўскай у парку Дружбы народаў.
Вераніка Цапкала дадала, што яе выклікаюць у МУС па справе таго самага турэцкага грамадзяніна. «Мяне сёння спынілі і папрасілі праехаць у міліцыю (на вуліцу Розы Люксембург). Але я папрасіла заехаць пасля пасяджэння ў ЦВК».
Вераніка Цапкала дадала, што яе сястру, супрацоўніцу Белгазпрамбанка, невядомыя людзі пасадзілі ў машыну і звезлі ў невядомым кірунку.
«Я расцэньваю гэта як ціск на мяне, маю сям'ю», — сказала яна.
Дзмітрыеў: Нам сказалі, што пад Псковам і Невелем фарміруюцца дзве групы для дыверсій на тэрыторыі краіны
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары