Грамадства2121

Шакуючыя ФОТА пацярпелых на мірных акцыях з Бальніцы хуткай дапамогі 

Да гэтага часу невядома дакладная колькасць усіх пацярпелых, якія былі дастаўлены ў бальніцы за час жорсткіх супрацьстаянняў на вуліцах Мінска і іншых гарадоў Беларусі з 9 жніўня. Карэспандэнту TUT.BY удалося пагаварыць з некаторымі з пацыентаў, якія атрымалі цяжкія траўмы і зараз праходзяць лячэнне ў бальніцы хуткай медыцынскай дапамогі (БХМД) у сталіцы.

Усе здымкі зробленыя выключна са згоды пацыентаў, як і дыягназы, якія называюцца. Гэтыя фатаграфіі цяжка глядзець нават чалавеку з моцнай псіхікай. Устрымайцеся ад прагляду, калі вы вельмі ўражлівыя.

Журналістам удалося пагутарыць з шасцю пацыентамі, вось толькі коратка з дыягназаў: чэрапна-мазгавая траўма, шматлікія ўдары і сінякі, траўматычны шок, страсенне мазгоў, выбуховая траўма, аскепкавыя раненні і нават разрыў печані.

Усе героі заяўляюць, што іх збілі супрацоўнікі сілавых ведамстваў. Хтосьці з іх дагэтуль знаходзіцца ў рэанімацыі, кагосьці нарэшце выпісваюць дадому — але наперадзе яшчэ месяцы лячэння і рэабілітацыі.

Вось гэтыя людзі: 20-гадовы Аляксей Курачоў, 34-гадовы Максім Сальнікаў, 21-гадовы Аляксандр Альхоўскі, 19-гадовая Марыя Зайцава, 24-гадовы Кірыл Піскароў і 32-гадовы Аляксандр Пашкоўскі.

Медыкі абураныя, што да пацыентаў, якія пацярпелі ад збіцця ў ізалятарах, не прыходзяць судова-медыцынскія эксперты, каб задакументаваць пашкоджанні.

«Наогул, эксперты прыязджаюць у бальніцу, але не да такіх пацыентаў. Нагадаю, выклік ажыццяўляецца следчым, які вядзе справу», — растлумачыў адзін з дактароў.

21-гадовы Аляксей, фота Вадзіма Заміроўскага. 
Максім. Выйшаў у краму па цыгарэты і каля пад'езда быў цяжка збіты. У яго — разрыў печані. Фота Вадзіма Заміроўскага. 
Аляксандр, яго «сустрэлі» ў двары дома. Фота Вадзіма Заміроўскага. 
Марыя. У яе трапіла святлошумавая граната. Дзяўчына да гэтага часу не чуе адным вухам. Фота Вадзіма Заміроўскага. 
Кірыл. Атрымаў вывіх плечавой косткі ў выніку збіванняў. Па словах хлопца, у аддзяленні міліцыі яго прымушалі падняць рукі, а калі адна з іх не падымалася, то білі зноў. Яго родныя ўжо падалі заяву з патрабаваннем распачаць крымінальную справу. Фота Вадзіма Заміроўскага. 
Аляксандр. Яго з сябрамі спынілі на машыне, завалаклі ў таніраваны мікрааўтобус, і пачаліся «жахі», кажа ён. Фота Вадзіма Заміроўскага. 

Каментары21

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць