Выбары-202044

«Тут паказаць рэальныя галасы, а ў выбаркам здаць, што папрасілі». З'явілася ВІДЭА, як камісія вырашае, які пратакол паказаць

У рэдакцыю TUT.BY даслалі відэа пра тое, што адбывалася ўвечары 9 жніўня за зачыненымі дзвярыма ў сярэдняй школе №203. Пакуль выбаршчыкі чакалі да ночы вынікі галасавання, камісіі ўчасткаў № 44 і № 45 галасавалі, які пратакол паказаць людзям.

З TUT.BY на ўмовах ананімнасці пагадзіўся пагутарыць адзін з чальцоў выбарчай камісіі ўчастку №44, які размяшчаўся ў СШ №203 Мінска. Галасы на выбарах ён лічыць не ў першы раз:

— Я шчыра спадзяваўся на сумленныя выбары, быў гатовы да «ўкідаў», як гэта было ў мінулыя гады, але такога бязмежнага парушэння выбарчага кодэкса яшчэ ні разу не было.

Па словах нашага суразмоўцы, падчас датэрміновага галасавання вывешваўся праўдзівы пратакол, у ім была адлюстравана рэальная яўка выбаршчыкаў з 4 па 8 жніўня — 150 чалавек.

Вось гэты пратакол камісія вывесіла на ўчастку, але сябра камісіі дапускае, што ў тэрытарыяльную камісію адправілі іншыя звесткі

— А раніцай 9 жніўня там ужо было 758 чалавек! Каб вы разумелі: агульная колькасць зарэгістраваных выбаршчыкаў на нашым участку — 1878, — прыводзіць лічбы член выбарчай камісіі.

Ён паказвае выніковы пратакол. Той, які бліжэй да ночы з'явіўся на дзверах школы: Святлана Ціханоўская — 597 галасоў, Аляксандр Лукашэнка — 292, Ганна Канапацкая — 54, Сяргей Чэрчэнь — 37, Андрэй Дзмітрыеў — 33.

— Галасы мы палічылі, але ў пратакол унеслі дадзеныя, якія не адпавядаюць рэчаіснасці, таму што з улікам каласальнага ўкіду яўка атрымалася б 130—150%, — так каментуе выніковы пратакол член выбарчай камісіі. — У пратаколе, які мы размясцілі, праўдзіва толькі тое, што перамагла Ціханоўская. Калі адкрылі скрыню для датэрміновага галасавання, там 99% галасоў было за Лукашэнку, а вось па бюлетэнях з асноўнай скрыні — сітуацыя была іншай. За Лукашэнку з нацяжкай 10%, за Ціханаўскую — 85%. Астатнія набралі нязначна.

Як сцвярджае сябра выбарчай камісіі, у першапачатковы пратакол былі ўнесеныя іншыя лічбы: 80% галасоў за Лукашэнку, 10% — за Ціханоўскую.

— Камісія стала абурацца, казала, нельга вывешваць такі хлуслівы пратакол. І для таго, каб заручыцца падтрымкай іншай камісіі з участка №45 і не падставіць яе, было вырашана прагаласаваць двума калектывамі — за абвяшчэнне рэальнай перамогі Ціханоўскай, — працягвае распавядаць наш суразмоўца.

Калі традыцыйна падчас выбару на ўчастках дзяжурыць міліцыя, то АМАП сёлета з'явіўся ўпершыню. Сябра выбарчай камісіі тлумачыць, чаму гэта адбылося:

— Спачатку ў школе дзяжурылі тры супрацоўнікі міліцыі. Калі колькасць людзей на вуліцы, пасля закрыцця ўчастка, стала павялічвацца, у школу прыбыла яшчэ два супрацоўнікі, у экіпіроўцы, з аўтаматамі. Потым прыехалі яшчэ 5 супрацоўнікаў АМАПа, заявілі, што эвакуююць толькі старшыняў, сакратароў, бюлетэні і астатнія дакументы, а нам параілі не падаць духам і чакаць прыбыцця АМАП у большай колькасці. Калі вывесілі пратаколы з перамогай Ціханоўскай, увесь натоўп скандаваў: «Малайцы! Дзякуй!». Таму мы спакойна пакінулі будынак школы.

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Паліцыя Дубая: 20-гадовая мадэль з Украіны ўпала з вышыні на будоўлі14

Паліцыя Дубая: 20-гадовая мадэль з Украіны ўпала з вышыні на будоўлі

Усе навіны →
Усе навіны

Невядомыя апаганілі статую Уэйна Грэцкі ў Эдмантане3

Трамп скасоўвае прававы статус 530 тысяч кубінцаў, гаіцянаў, нікарагуанцаў і венесуэльцаў2

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць6

Пагражаюць за Дзень Волі? Вось што трэба рабіць45

Трамп заявіў пра стварэнне амерыканскага знішчальніка новага пакалення8

Стаў вядомы жорсткі прысуд, вынесены жыхару Гомеля за «здраду дзяржаве»1

Кетоны: што за рэчывы, якія спыняюць старэнне мозгу і дапамагаюць схуднець?1

Трамп расказаў пра перамовы па «падзеле тэрыторый» Украіны24

Памёр знакаміты кадэбіст-перабежчык Алег Гардзіеўскі10

больш чытаных навін
больш лайканых навін

Паліцыя Дубая: 20-гадовая мадэль з Украіны ўпала з вышыні на будоўлі14

Паліцыя Дубая: 20-гадовая мадэль з Украіны ўпала з вышыні на будоўлі

Галоўнае
Усе навіны →

Заўвага:

 

 

 

 

Закрыць Паведаміць