Church.by
Учора стала вядома, што беларускія памежнікі не пусцілі ў Беларусь кіраўніка беларускіх католікаў, мітрапаліта Мінска-Магілёўскага Тадэвуша Кандрусевіча. Ён вяртаўся на радзіму пасля тыднёвага візіту ў Польшчу. Арцыбіскуп Кандрусевіч, які нарадзіўся пад Гроднам — грамадзянін Беларусі.
Сёння раніцай прэс-сакратар Беларускай праваслаўнай царквы Сяргей Лепін у сваім фэйсбуку пракаментаваў сітуацыю.
«Сябры, з нагоды гісторыі з Мітрапалітам Тадэвушам Кандрусевічам ніякіх афіцыйных публічных каментароў ні ад уладыкі Веніяміна, ні ад прэс-службы не будзе. Адказаў на пытанні аб прычынах такога вы таксама не атрымаеце. Спадзяюся на разуменне.
Мне застаецца толькі ад сябе асабіста выказаць словы брацкай падтрымкі ўсёй каталіцкай суполцы Беларусі і пажадаць ёй шчаслівага вырашэння дзіўнай сітуацыі. Я спадзяюся на хуткае ўз'яднанне каталіцкай паствы са сваім першаіерархам. Хай усё будзе добра!»
«Разам з гэтым я хачу заклікаць усіх не дапусціць абвастрэння міжканфесійнай сітуацыі ў нашай краіне. Не дазваляйце правакатарам адкрыць яшчэ і гэты фронт»,— дадаў ён.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)