Пра гэта падчас прэс-канферэнцыі расказаў сузаснавальнік кампаніі Аляксей Лявончык, паведамляе Радыё Свабода.
Паведамленні пра спісанне сумаў дапамогі, атрыманых пацярпелымі падчас акцый пратэсту, сталі з'яўляцца ў аўторак 10 лістапада. Першапачаткова гаварылася пра дзясяткі заблакаваных рахункаў, альбо спісаных банкам сум.
На прэс-канферэнцыі 12 лістапада сузаснавальнік кампаніі By_Help Аляксей Лявончык паведаміў, што гаворка ідзе пра сотні выпадкаў.
«На дадзены момант вельмі прыкладная ацэнка — гэта 500-600 выпадкаў, — паведаміў Лявончык. — Гаворка ідзе пра грошы, якія пераводзіліся на прыватныя рахункі пацярпелых з майго асабістага банкаўскага рахунку».
Лявончык таксама расказаў, што ў некаторых выпадках не толькі спісваліся сумы дапамогі, але і блакаваліся банкаўскія рахункі пацярпелых падчас пратэстаў. У тым ліку тыя, на якія не прыходзіла дапамога.
СК пракаментаваў блакіроўку рахункаў з-за ByHelp. Аляксей Лявончык прызнаны падазраваным па крымінальнай справе
Юрась Зянковіч расказаў пра сваё вызваленне і шлях у ЗША6
Каментары