Байпол: Зайцава знялі за тое, што спрабаваў паставіць праслухоўку ў кабінеце Вакульчыка. Што кажуць крыніцы?
Ініцыятыва Байпол расказала пра гісторыю пачатку 2010-х, якая нібыта прывяла да адстаўкі тагачаснага кіраўніка КДБ Вадзіма Зайцава. Адзначаецца, што супрацоўнікі КДБ спрабавалі паставіць праслухоўку ў кабінеце Валерыя Вакульчыка — тагачаснага кіраўніка Следчага камітэта. У выніку правалу аперацыі Зайцаў страціў пасаду, і якраз на карысць Вакульчыка.
Гісторыя магла адбыцца ў 2012-м годзе і, імаверна, яна праўдзівая.
Крыніцы «Нашай Нівы», якія працавалі ў той час у следчых органах, паведамілі, што чулі падобныя плёткі.
Яны адзначаюць, што няўдалых агентаў выдалі сляды, якія вялі проста да кабінета Вакульчыка — маўляў, незадоўга да таго Следчы камітэт пераехаў у новы будынак, працягваліся апошнія аддзелачныя работы. І нехта з дзяжурных зранку звярнуў увагу на дзіўныя сляды на падлозе з будаўнічага смецця і прыйшоў да высновы, што ўначы ў будынку былі няпрошаныя госці.
На нарадзе ў Лукашэнкі праз некалькі дзён прагучала гэтая гісторыя, і Зайцава адставілі.
Навошта Зайцаву трэба было тое праслухоўванне? Нібыта ён хацеў праверыць, ці стане Вакульчык дапамагаць далёкаму сваяку, які займеў праблемы з законам.
Агулам Зайцава ўспамінаюць як чалавека, схільнага да інтрыг у дачыненні да начальнікаў іншых ведамстваў. Ён спрычыніўся да закатаў кар'ер і былога кіраўніка МУС Навумава, і кіраўніка Пагранкамітэта Рачкоўскага.
Цяпер чытаюць
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары