«Для палітычных стварылі паралельныя ўмовы ўтрымання». Дашкевічу далі 20 сутак
Каля рэстарана «Паедзем, паядзім» 23 красавіка адбыліся затрыманні. Сярод затрыманых быў Зміцер Дашкевіч, які штопятніцу з 2018 года дзяжурыць каля Курапатаў.
На судзе Дашкевіч заявіў, што для палітычных вязняў стварылі паралельныя ўмовы: асобныя пад’ёмы, якія адрозніваюцца ад астатніх вязняў, праверкі ўначы (2 разы за ноч шыхтуюцца а 23 і а 3 ночы), адсутнасць матрацаў, зняважлівае стаўленне і адсутнасць перадач, піша яго жонка Наста Дашкевіч.
Пры тым для «непалітычных» вязняў, піша яна, умовы іншыя. Дашкевіч назваў гэта генацыдам, параўнаў з гета. Актывіст папрасіў перанесці суд, бо кепска сябе адчувае — не спіць некалькі дзён нармальна. Суд адмовіў.
Далей Зміцер традыцыйна расказаў пра сэнс варты і тое, што ён робіць. Акцэнтаваў увагу, што ён ніякім чынам не спыняе машыны і нікому нічога не навязвае. Калі едзе машына, ён падымаў руку з буклетам аб Курапатах. Нехта спыняецца і бярэ буклет, а нехта едзе далей.
Новы начальнік Мінскага РУУС Голікаў напісаў ліст старшыні суда Мінскага раёна з просьбаю пакараць Змітра арыштам, бо ён лічыць, што «штрафы неэфэктыўныя і такая катэгорыя грамадзян адчуваюць сябе беспакаранымі».
Дашкевічу прысудзілі 20 сутак арышту.
Цяпер чытаюць
Сталініста-ябацьку з Гомеля затрымалі пасля таго, як ён запрасіў Лукашэнку на гвалтоўнае закрыццё свайго трэцяга кафэ4
Каментары