У Беларусі выявілі некалькі груп непаўналетніх, якія займаюцца ілжывымі паведамленнямі аб небяспецы. Пра гэта распавёў начальнік Галоўнага ўпраўлення па супрацьдзеянні кіберзлачыннасці МУС Андрэй Кавалёў на тэлеканале АНТ, піша Tut.by.
Прадстаўнік МУС адзначыў, што дзеці ў Беларусі вельмі зацікавіліся такой з'явай, як сватынг — ілжывымі паведамленнямі аб небяспецы. Паводле яго слоў, з пачатку гэтага года распачата больш за 60 крымінальных спраў за «мініраванне».
Кавалёў распавёў, што ілжывыя паведамленні аб небяспецы дзеляцца на дзве групы — тыя, якія пакідаюць па тэлефоне, і тыя, якія прыходзяць у інтэрнэце. Часам такія паведамленні «замаўляюць», напрыклад, за пройгрыш у гульні.
— Умоўна, вы мяне замаўляеце: высвятляеце мае даныя, прозвішча, мой адрас, і ад майго імя даяце паведамленні аб небяспецы той ці іншай навучальнай установы, сацыяльнага аб'екта — вакзала, аэрапорта і гэтак далей, — прывёў прыклад Кавалёў.
Прадстаўнік МУС падкрэсліў, што такая дзейнасць пакідае лічбавыя сляды, пры гэтым Беларусь супрацоўнічае па гэтым пытанні з 89 краінамі свету.
— На сённяшні дзень у Беларусі ўжо знойдзеныя такія групы. Думаю, у бліжэйшы час будзе выстаўлена абвінавачанне як мінімум тром непаўналетнім групам сватынгу: 12 гадоў, 14 гадоў і так далей, — распавёў Андрэй Кавалёў.
Ён нагадаў, што за ілжывыя паведамленні аб небяспецы прадугледжаная адказнасць аж да крымінальнай. У выпадку з 12-гадовымі фігурантамі адказнасць панясуць бацькі, на іх таксама ляжа матэрыяльнае пакрыццё выдаткаў.
Апошнім часам у Беларусі не раз «мініравалі» гатэлі, адміністрацыйныя будынкі, школы і ГЦ. Трывога, на шчасце, была ілжывай.
Заведама ілжывае паведамленне аб небяспецы цягне крымінальную адказнасць (арт. 340 КК), якая наступае з 14 гадоў. Прадугледжанае пакаранне ў залежнасці ад памеру нанесенай шкоды, цяжару наступстваў і іншых абставін — ад штрафу да 7 гадоў пазбаўлення волі. Пад буйным памерам шкоды, які пацягнула падобнае паведамленне, маюць на ўвазе страты на суму, якая ў 250 і больш разоў перавышае адну базавую велічыню. Пад цяжкімі наступствамі можна разглядаць парушэнне працы вакзалаў, грамадскага транспарту, аэрапортаў, зрыў масавага мерапрыемства.
-
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
-
У Мінску адклалі пашырэнне трэцяй лініі метро да Зялёнага Луга, прыярытэтам зрабілі 4‑ю лінію
-
Якая сітуацыя ў краіне з месцамі ў дзіцячых садках і хто можа хадзіць у кругласутачныя групы
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары