Мексіка абвінаваціла вядомыя модныя брэнды ў прысваенні культурнай спадчыны
Кампанія Zara апынулася сярод брэндаў пад увагай.
Як сцвярджае мексіканскі ўрад, сусветна вядомыя модныя брэнды Zara, Anthropologie і Patowl прысабечылі мексіканскую культурную спадчыну. Кампаніі нібыта выкарысталі ў сваім адзенні традыцыйныя арнаменты карэнных плямён з паўднёвага захаду штата Аахака і пры гэтым не заплацілі плямёнам належную ўзнагароду.
Міністэрства культуры Мексікі накіравала ў кожную з трох кампаній лісты за подпісам кіраўніцы ведамства Алехандры Фраўста. У лісце ад кампаній патрабуюць публічных тлумачэнняў наконт таго, на якой падставе брэнды «прыватызавалі калектыўную ўласнасць», піша Guardian.
Апошнія гады шмат спрэчак выклікае пытанне прыбытку, які модныя дызайнеры атрымліваюць ад запазычання дэталяў народнага адзення, калі пры гэтым яны не прызнаюць іх паходжанне або сплочваюць культурным меншасцям толькі мінімальную кампенсацыю.
Для Мексікі гэтае пытанне асабліва важнае. Ужо сотні гадоў заходнія брэнды капіруюць дэталі мексіканскага традыцыйнага адзення, часта створаныя беднымі плямёнамі. Цяпер яны прадаюць вырабленае такім чынам адзенне як тавары ў стылі боха, і ў апошні час грамадскасць звярнула на гэта ўвагу. Такія выпадкі выклікаюць публічныя абвінавачванні і абурэнне ў сацыяльных сетках.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў17
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары