Блогер Лапшын у Ерэване сустрэўся з паслом Беларусі Канюком, які раней выдаў яго Азербайджану
Яны сустрэліся на турыстычнай выставе, дзе былі ганаровымі гасцямі. Ад калектыўнага фота з Канюком Лапшын адмовіўся, як і ад поціскаў рук, піша Радыё Свабода.
Фатаграфія з турыстычнай выставы ў сталіцы Армэніі выклікала шмат пытаньняў да блогера, і ён патлумачыў абставіны сустрэчы.
У час турыстычнай выставы ў Доме мастака ў сталіцы Армэніі Ерэване нечакана сустрэліся вядомы блогер Аляксандар Лапшын, якога ўтрымлівалі ў СІЗА-1 на Валадарскага, і цяперашні пасол Беларусі ў Армэніі Аляксандар Канюк. Сябры і знаёмыя Лапшына не зразумелі, як ён мог выйсьці на адну сцэну з Канюком — той да 2020 году быў генэральным пракурорам і падпісваў дакумэнт на выдачу Лапшына ў Азэрбайджан.
Аляксандра Лапшына, які мае грамадзянства Расеі і Ізраілю, затрымалі ў сьнежні 2016 году ў Менску на запыт Азэрбайджану. Яго абвясьцілі ў міжнародны вышук за наведваньне Нагорнага Карабаху без дазволу ўладаў Азэрбайджану. Пазней прэзідэнт краіны Аліеў памілаваў яго.
На выставе Лапшын і Канюк былі пачэснымі гасьцямі і нават адначасова выйшлі на сцэну, дзе іх сфатаграфавалі побач з пасламі Індыі і Італіі. Ад калектыўнага фота з Канюком пасьля выступленьняў за мікрафонам Лапшын адмовіўся, як і ад поціскаў рук.
Лапшын патлумачыў, што выдатна памятае, што менавіта Канюк стаяў за яго выдачай Азэрбайджану. Але разам з тым назваў цяперашняга беларускага пасла ў Ерэване адным зь людзей, «які ня мае ні свайго меркаваньня, ні сваёй пазыцыі. Гэта слугі Лукашэнкі, якіх кідаюць з адной пасады на іншую».
Аляксандар Лапшын у размове са Свабодай прызнаўся, што, на яго думку, Канюк, «адказны за пасадкі ў турмы тысяч беларусаў, павінен быць выгнаны з Армэніі».
«Адправілі яго сюды, каб ціха адседзецца, пакуль жарсьці ня згаснуць», — дадаў блогер.
Аляксандар Лапшын не аднойчы ладзіў акцыі ў падтрымку зьняволеных у Беларусі каля амбасадаў Беларусі ў Вільні і Лёндане і каля будынку Рады Эўропы ў Страсбуры.
-
Танкер з саудаўскай нафтай прайшоў праз Армузскі праліў, нягледзячы на блакаду з боку Ірана
-
На Валыні 7 машын зладзілі пагоню за аўтамабілем вайскоўцаў і сілай адбілі прызыўніка
-
За тыдзень вайны з Іранам краіны Блізкага Усходу выкарысталі больш ракет Patriot, чым атрымала Украіна за чатыры гады вайны
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею7
Каментары