У Беларусі ён быў вядомы найперш як выдаўца Першага Статуту ВКЛ 1529 году, а таксама Судовых кніг Метрыкі ВКЛ.
6 ліпеня 2009 г. у Вільні памёр вядомы літоўскі гісторык Станісловас Лазутка. У Беларусі ён быў вядомы найперш як выдаўца Першага Статуту ВКЛ 1529 году, а таксама Судовых кніг Метрыкі ВКЛ. Яшчэ ў 1968 г. праф. Лазутка заснаваў у Віленскім Універсітэце даследчую групу Літоўскіх Статутаў і Літоўскай Метрыкі. На беларускую мову перакладалася ягоная праца «Леў Сапега: Жыццё, дзяржаўная дзейнасць, палітычныя і філасофскія погляды» (Магілёў, 2004).
Праф. Лазутка нарадзіўся 7 мая 1923 г. у Сібіры у сям’і нашчадкаў сасланых літоўскіх паўстанцаў. У 1950-х гадах працаваў у ЦК Кампартыі Літвы, ад чаго ўжо ў пазнейшы час да яго было неадназначнае стаўленне. Тым не менш, і сучасная літоўскія ўлады ўганароўвалі праф. Лазутку як выдатнага навукоўца.
Праф. Лазутка быў сімпатыкам Беларусі і тым рэдкім сярод літоўскіх гісторыкаў навукоўцам, які паслядоўна ўжываў тэрмін «старабеларуская мова».
Вечная памяць!
Цяпер чытаюць
Трамп запрасіў Лукашэнку ўвайсці ў Раду міру па Газе41
Каментары