«Ідэю не спыніць». Intelligency выпусцілі кліп на беларускамоўную песню ВІДЭА
Гурт Intelligency выпусціў новы кліп на песню Malitva Belaruskaja, ролік апублікаваны на YouTube.
Дзеянне кліпа адбываецца ноччу ў велізарнай сюррэалістычнай дэкарацыі, пабудаванай на закінутым заводзе. Па словах стваральнікаў, ідэя роліка натхнёная традыцыйным беларускім лялечным тэатрам-батлейкай.
«Мы пераасэнсавалі ідэю традыцыйнай батлейкі. Уяўленні людзей пра пабудову свету ўскладніліся, таму і наша батлейка выглядае па-новаму. У якасці карцін раю мы выкарыстоўвалі працы сучаснай беларускай мастачкі Насці Рыдлеўскай, а касцюмы і аксесуары для галоўных герояў далі актуальныя беларускія дызайнеры, — распавядаюць рэжысёры прадакшана DVAcinema Маша Манакова і Дзмітрый Ляўкоўскі. — На працягу ўсяго праекта нас пераследавалі дзіўныя супадзенні і знакі, а сама здымка праходзіла ў самую кароткую ноч у годзе. У выніку атрымалася страшная казка пра сучасную беларускую рэальнасць, напоўненая метафарамі і сімваламі».
У кліпе зняліся і ўдзельнікі гурта — як кажуць стваральнікі «у вобразе сучасных брэменскіх музыкаў».
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў13
Каментары