Мінуў месяц, як затрымалі старшыню Праваабарончага цэнтра «Вясна» Алеся Бяляцкага, намесніка старшыні Валянціна Стэфановіча і юрыста Уладзіміра Лабковіча. Іх трымаюць у СІЗА.
Як распавяла Наталля Пінчук, жонка Алеся Бяляцкага, за ўвесь час яна атрымала ад яго толькі тры лісты пад нумарамі адзін, тры і шэсць. Цяпер яна не атрымлівала ад яго вестак ужо паўтара тыдні. Як адзначае Наталля, гэта вельмі непадобна да Алеся, бо падчас зняволення ў 2011-2014 ён дасылаў шмат лістоў. Алесь вельмі любіць пісаць.
Таксама Наталля не ведае, як і пры якіх умовах затрымалі Алеся 14 ліпеня. У тую раніцу яны былі не разам. Наталля дакладна не ведае, што забралі пры ператрусе з іх кватэры, бо сілавікі нават не пакінулі пастанову на ператрус. Вядома, што забралі архіў «Вясны» за 1998 год.
Жонка Валянціна Стэфановіча Аліна атрымала ад мужа толькі адзін ліст. У ім Валянцін напісаў, што «настройваецца на вельмі доўгую разлуку са свабодным светам, але ўсё адно спадзяецца на лепшае».
Самая складаная сітуацыя з карэспандэнцыяй у Уладзіміра Лабковіча, піша «Вясна»: родныя атрымалі толькі па адным лісце ад яго. А вось Уладзь ад іх не атрымлівае вестак. Піша, што трымаецца «нармальна», наколькі гэта магчыма ў гэтай сітуацыі.
-
Хэдлайнерам канцэрта ў Мінску ў Дзень Перамогі стане Алег Газманаў
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца10
Каментары