Навукоўцы: самкі калібры імітуюць знешнасць самцоў для абароны ад іх агрэсіі
Знешне калібры — прыгожыя птушкі, але насамрэч іх свет напоўнены агрэсіяй. Цяпер вучоныя зразумелі, што некаторыя з самак калібры навучыліся яе пазбягаць. У гэтым птушкам дапамагае яркае апярэнне — якраз такое, як у самцоў.
Даследчыкі з Корнэльскага ўніверсітэта злавілі ў Панаме больш за 400 калібры-якабінаў, размясцілі на іх радыёмаячкі і ўсталявалі 28 кармушак з магчымасцю вызначыць, якая птушка і колькі разоў іх наведвала. Вызначылася, што тыповае для самцоў апярэнне дазваляе калібры атрымліваць больш ежы, а таксама дапамагае самкам пазбягаць агрэсіі самцоў, у тым ліку дзяўбання і штуршкоў, піша Guardian.
Высветлілася, што ў пачатку і самкі, і самцы калібры выглядаюць аднолькава — яны маюць тыповую для самцоў афарбоўку. Пазней падчас старэння прыкладна 20% самак захоўваюць яркае апярэнне, а ў астатніх колер робіцца больш цьмяным.
Раней эксперты лічылі, што захаванне колеру звязанае з канкурэнцыяй за самцоў, але аказалася, што самцы птушак праяўляюць больш цікаўнасці да птушак з тыповым для самак апярэннем. Таму біолагі прыйшлі да высновы, што імітаванне афарбоўкі самцоў звязанае з канкурэнцыяй калібры за ежу і з іх паводзінамі ў згуртаваннях.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч40
Каментары