Знойдзены прэпарат, які можа прадухіліць тысячы спыненняў сэрца ў год
Прэпарат цыстэамін, ужо дазволены для ўжывання ў людзей, паказаў сябе з новага боку. Аказалася, што ён не толькі дапамагае захаваць функцыю нырак, але і змагаецца з атэрасклерозам.
Новыя ўласцівасці цыстэаміну адкрылі брытанскія даследчыкі праз эксперыменты на мышах. Прэпарат паказаў здольнасць спыняць з’яўленне ў артэрыях тлушчавых адкладаў і разбураць тыя, што ўжо існуюць там. Дзякуючы такім здольнасцям прымяненне цыстэаміну можа дапамагчы праз дзесяць гадоў прадухіляць тысячы інфарктаў і спыненняў сэрца на год, піша inews.
Калі тып тлушчу пад назвай халестэрын ліпапратэінаў нізкай шчыльнасці (ЛПНШ) акісляецца, ён пачынае фарміраваць бляшкі на сценках артэрый. У выпадку, калі гэтыя бляшкі адарвуцца ад сасудаў, яны могуць ператварыцца ў тромбы, здольныя блакаваць жыццёва важныя сасуды. Гэта і выклікае інфаркты і інсульты.
Раней навукоўцы высветлілі, што халестэрын ЛПНШ можа акісляцца ў лізасомах — элементах імунных клетак унутры сценкі артэрыі. Цяпер падчас іспытаў на мышах стала зразумела, што цыстэамін здольны накоплівацца ў лізасомах і спыняць акісленне халестэрыну ЛПНШ. У выпадку з мышамі прэпарат змяншае колькасць тлушчу ў працэсе акіслення на 73% і долю запаленчых белых крывяных цельцаў на 55%.
Патрэбныя дадатковыя тэсты, каб праверыць эфектыўнасць прэпарата, і няма гарантыі поспеху. Але, калі ўсё атрымаецца, новыя лекі супраць атэрасклерозу з’явяцца ў прымяненні ў найбліжэйшыя дзесяць гадоў.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары