Савіных: На Захадзе насамрэч няма дэмакратыі, а ў Беларусі яна прысутнічае
На Захадзе насамрэч няма дэмакратыі, а ў Беларусі ў рэальным сваім змесце яна прысутнічае. Пра гэта старшыня Пастаяннай камісіі па міжнародных справах Палаты прадстаўнікоў Андрэй Савіных заявіў у эфіры YouTube-канала «Главный. Тур».
«Беларусь нават блізка і побач не стаіць з дыктатурай. Гэта выключана. У Беларусі выбудавана сацыяльная дзяржава, рэальна забяспечваецца вяршэнства закона. Мы можам казаць аб тым, што мы адданыя пэўным каштоўнасцям, якія мы гатовыя абараняць. Але гэта нават не аўтарытарызм. Так, існуе пэўная лінія. Але тут няма супрацьпастаўлення дэмакратыі як спосабу прыняцця рашэнняў. Наадварот, якраз дэмакратыя ў рэальным сваім змесце прысутнічае ў Беларусі», — упэўнены парламентарый.
Адначасова ён лічыць, што на Захадзе насамрэч няма дэмакратыі. «Яна там існуе толькі ў вузкім полі прыняцця пэўных рашэнняў на ўзроўні палітычных партый. Але ўсе стратэгічныя рашэнні прымаюцца ва ўнутраным контуры. Народ у прыняцці гэтых рашэнняў, натуральна, не ўдзельнічае. Рэальны стратэгічны курс вырашаецца на ўзроўні фінансава-прамысловых элітаў», — сцвярджае Савіных.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак28
Каментары