Экс-рэктар Беларускага дзяржаўнага ўніверсітэта распавёў «Народнай Волі», чаму ён не быў запрошаны на святкаванне 100-годдзя БДУ.
Аляксандр Казулін узначальваў БДУ з 1996 па 2003 год. У 2006-м ён вылучаўся кандыдатам у прэзідэнты. 25 сакавіка яго затрымалі за арганізацыю акцыі пратэсту і асудзілі на 5,5 года зняволення.
— Мяне ўжо 18 гадоў не запрашаюць у БДУ ні на адно мерапрыемства, — кажа Аляксандр Уладзіслававіч. — Ці не крыўдна з нагоды такога стаўлення? Ведаеце, я прызвычаіўся глядзець на ўсе гэтыя рэчы па-філасофску. Калі разумееш, што адбываецца, то не можа быць крыўды. Толькі радасць.
— Але ж вы былі рэктарам універсітэта 7 гадоў, маглі б вас і ўспомніць…
— Я вам шчыра скажу: БДУ — гэта практычна ўсё маё жыццё. Лепшыя гады жыцця. Але, як ужо казаў, ні на кога не крыўдую. Бог ім суддзя!..
Цяпер чытаюць
Качанава прапанавала ўвесці адказнасць за «няпраўду ў тыктоку»12
Каментары