Якіх тавараў сёлета беларусы сталі купляць больш, а ад чаго вырашылі ўстрымацца? І як на гэта паўплывала інфляцыя? Thinktanks.by прааналізаваў даныя афіцыйнай статыстыкі па дынаміцы рознічнага продажу.
Выданне параўнала перыяд са студзеня па верасень 2021-га з аналагічным перыядам мінулага года.
Аказалася, што самы вялікі скачок адбыўся ў продажах слабаалкагольных напояў (калі не лічыць піва). А мацней за ўсё праселі продажы фруктовага соку.
У топ росту продажаў трапілі выключна харчовыя тавары. А ў антырэйтынгу ёсць і нехарчовыя.
Топ-5 тавараў па росце продажаў:
- напоі слабаалкагольныя (без піва) — 61,7%
- мінеральная вада — 12%
- каньяк, віно і лікёры — 10-15%
- мясныя прадукты (каўбасныя вырабы, вэнджаніна, паўфабрыкаты) — 5,1%
- дзіцячае харчаванне — 5,1%
Топ-5 тавараў па падзенні продажаў:
- фруктовыя і агароднінныя сокі — -14%
- тэлевізары — -11,5%
- крупы — -10%
- абутак — -10%
- алей — -9%
За год — з верасня мінулага года па верасень гэтага — больш за ўсё падаражэлі гародніна: буракі, морква, капуста. Цэны на іх выраслі на 45-67%, аднак продаж гародніны за гэты перыяд толькі павялічыўся. Садавіна падаражэла параўнальна не вельмі (за выключэннем бананаў).
Падаражэў на 50% алей, і, як бачым, купляць яго сталі менш. Выраслі кошты на паўфабрыкаты і вырабы з мяса, што не прымусіла беларусаў адмовіцца ад іх. Затое неапрацаванага мяса сталі купляць менш.
У цэлым у 2021 годзе продажы харчовых і нехарчовых тавараў выраслі на 1,7% і 1,3% адпаведна.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй26
Каментары