Лыжнік Сяргей Далідовіч і яго дачка Дар'я збіраюцца пакінуць Беларусь
Далідовіч сказаў пра намер пакінуць Беларусь у інтэр'ю фінскаму выданню «Yle», а прычынай назваў палітычны і этычны складнікі.
Паводле беларускага лыжніка:
«Некаторыя людзі загінулі, многія сядзелі ці цяпер знаходзяцца ў месцах пазбаўлення волі. Майму сябру, спартоваму журналісту Аляксандру Івуліну, пагражае чатыры гады за тое, што ён узяў інтэрв'ю ў спартоўцаў, якія хочуць пераменаў. Калі ў такой сітуацыі астатнія з нас прамаўчаць, жыццё бескарыснае».
У астатнім, па словах Сяргея, усё яго задавальняла і пра неабходнасць пакідаць радзіму ён гаворыць са скрухай:
«Трасы добрыя, вучэбны цэнтр «Раўбічы» знаходзіцца недалёка ад нашага дома. Але ў этычным сэнсе абставіны зусім іншыя. Гэта сумна, асабліва для нашага айчыннага лыжнага спорту. Дарэчы, у нас не так шмат маладых энтузіястаў. Напрыклад, лыжніц 2002 года нараджэння няма наогул».
Далідовіч — з ліку тых спартоўцаў, якія выказаліся за сумленныя выбары і супраць гвалту сілавікоў. Яго дачка Дар'я — таксама лыжніца. Днямі стала вядома, што яе і Святлану Андрыюк беларускія спартовыя чыноўнікі адхілілі ад міжнародных спаборніцтваў з палітычных прычын.
Міжнародная федэрацыя лыжнага спорту пачала праверку, чаму беларускіх лыжніц адхілілі ад спаборніцтваў
Беларускія ўлады адхілілі ад міжнародных спаборніцтваў дзвюх лыжніц. Спартсменкі кажуць: за пазіцыю
Дачку лыжніка Сяргея Далідовіча адхілілі ад спаборніцтваў на год
Лыжнік Далідовіч: Ці фашыст я, калі выступаў у Лілехамеры ў 1994 годзе пад гэтым сцягам?
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры1
Каментары