Грамадства

На волю выйшаў палітвязень Іван Комар, якога судзілі разам з Мікітам Емельянавым

21-гадовага палітвязня Івана Комара сёння вызвалілі паводле ўмоўна-датэрміновага вызваленнея, паведамляе «Вясна». 

Іван Комар. Фота: «Вясна»

Актывіст анархісцкага руху быў асуджаны 12 лютага 2020 года да сямі гадоў пазбаўлення волі ў калоніі ўзмоцненага рэжыму.

27 сакавіка Мінгарсуд па апеляцыйнай скарзе зменшыў тэрмін Івану Комару да 3,5 года калоніі ўзмоцненага рэжыму. Праз некаторы час палітвязня перавялі на турэмны рэжым за парушэнне правілаў унутранага распарадку.

Да вызвалення палітвязень утрымліваўся ў жодзінскай турме №8.

Комара судзілі разам з анархістам Мікітам Емельянавым.

Іван Комар і Мікіта Емяльянаў у судзе. Фота: «Вясна»

Іх вінавацілі па некалькіх артыкулах крымінальнага кодэкса. Паводле следства, напрыканцы верасня 2019 года Емельянаў і Комар закідалі лямпачкамі з фарбай будынак Мінскага гарадскога суда, дзе ў гэтыя дні праходзіў суд над анархістам Дзмітрыем Паліенкам. Учынак быў расцэнены як псаванне маёмасці (арт. 341 Крымінальнага кодэксу — апаганьванне збудаванняў і псаванне маёмасці).

У кастрычніку Емельянаў і Комар, паводле абінавачання, вырабілі «гаручы кактэйль», у першай палове кастрычніка прыехалі да СІЗА № 1 на вуліцы Валадарскага ў Мінску і спрабавалі падпаліць уваходныя дверы. Аднак сумесь не ўспыхнула.

Прыкладна праз тыдзень, яны паўтарылі спробу. У выніку падпалу памяшканню быў нанесеныя страты на суму 1 рубель 48 капеек.

Гэтыя дзеянні падпадаюць пад частку 2 артыкула 295-3 Крымінальнага кодэксу (незаконныя дзеянні з прадметамі, дзеянне якіх заснавана на выкарыстанні гаручых рэчываў у складзе групы).

Апроч гэтага, следства палічыла што меў месца замах на наўмыснае пашкоджанне гісторыка-культурнай каштоўнасці, якой з’яўляецца Пішчалаўскі замак, дзе месціцца СІЗА №1 (артыкул 344 Крымінальнага кодэксу).

У судзе Мікіта Емяльянаў прызнаў віну часткова, Іван Комар цалкам не прызнаў віны ў нападзе на будынкі, хоць і не адмаўляў, што здымаў на відэа напад Емяльянава на «Валадарку».

Ён заявіў, што першапачатковыя паказанні даваў пад ціскам супрацоўнікаў ГУБАЗіК.

Такім чынам, цяпер у Беларусі налічваецца 1006 палітвязняў.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал9

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Мінск прыме расійска-грузінскія перамовы2

Рыжанкоў заявіў, што Беларусь дабіваецца ад ЗША зняцця санкцый у абмен на палітвязняў17

У Берліне распрацавалі план, як ЕС працягваць падтрымку Украіны нават пасля прыходу да ўлады Ле Пэн у Францыі3

Для каардынацыі ўдараў па Крымскім мосце ўкраінцы выкарыстоўвалі свае «лятучыя мадэмы»4

У Гродне анансавалі стварэнне новага жылога квартала

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал9

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць