Рэжысёр Андрэй Курэйчык адрэагаваў у Фэйсбуку на знішчальную крытыку анонса да ягонага серыяла «Акрэсціна».
Рэпліка рэжысёра была лаканічнай:
«Калі нават бэкстэйдж са здымак, калі здымаўся кашмар героя, выклікаў такую буру — уяўляю, што будзе, калі выйдзе фільм».
На заўвагі ў каментарах, што як ні круці, але тызер няўдалы, ён адказаў:
«Гэта не тызер. Там няма кадраў з фільма. Гэта ролік «Маланкі» з бэкстэйджа. Нават смешна абмяркоўваць».
Таксама Курэйчык адказаў на закіды, што здымаць такі фільм цяпер не час:
«Ну, хоць бы рэпрэсаваныя акцёры і кінагрупа з Беларусі і іх сем'і атрымліваюць дапамогу. Ці вы гатовыя іх утрымліваць? Ну хаця б у свеце даведаюцца гісторыі вязняў Акрэсціна і Валадаркі? Вы што зрабілі для дапамогі гэтым людзям, акрамя таго, што спрабуеце забараніць пра іх гаварыць і заткнуць раты тым, хто прыцягвае ўвагу да гэтай праблемы?»
Пакуль, аднак, гэтыя аргументы патэнцыйных гледачоў не пераконваюць, каментары да паста спрэс негатыўныя. Падтрымаў рэжысёра толькі журналіст Дзмітрый Растаеў:
«Ведаеш, Андрэй, а я ў жаху. Ад таго, што людзі, нават не паглядзеўшы фільм, знайшлі час абгадзіць яго з тысячы лаханак. І якія людзі — тыя, што пазіцыянуюць сябе як «будучыня Беларусі». Які ўжо раз пакутліва праразаецца пытанне: «Ну і чым такая будучыня адрозніваецца ад цяпершчыны?» Lacrimosa».
Мы папрасілі Андрэя Курэйчыка адмыслова пракаментаваць узніклы скандал, і ён не адмовіў:
«Гэта не тызер. Гэта бэкстэйдж. Там няма ніводнага кадра з камеры, якая здымае праект. То-бок, кадраў самога фільма там няма. Мы іх трымаем пакуль у сакрэце з меркаванняў бяспекі. А ў абмеркаванне бэкстэйджа не ўступаю. Сэнс, — адказаў Андрэй Курэйчык «Нашай Ніве». — Калегі з «Маланкі» зрабілі свой ролік-рэпартаж са здымак, гэта прыемна. Але самога фільма там няма. А працу калегаў-журналістаў чаго мне абмяркоўваць».
Чытайце таксама:
Курэйчык апублікаваў анонс серыяла пра Акрэсціна. Людзі ў шоку
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні5
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў44
Каментары