Як паведамляе «РИА Новости», толькі што дзяржсакратар ЗША Энтані Блінкен і міністр замежных спраў Расіі Сяргей Лаўроў пагаварылі па тэлефоне. Расійскі бок падкрэслівае, што званок адбыўся па ініцыятыве амерыканскага боку.
Лаўроў зявіў Блінкену, што прапагандысцкая кампанія ЗША аб «расійскай агрэсіі» супраць Украіны мае правакацыйныя мэты, а рэакцыя ЗША і НАТА на прапановы РФ па гарантыях бяспекі ігнаруе ключавыя для Масквы палажэнні.
Таксама Лаўроў нагадаў аб недапушчальнасці дзеянняў, якія парушаюць абавязальніцтвы аб непадзельнасці бяспекі ў Еўра-Атлантыцы.
Пытанні непашырэння НАТА і неразмяшчэння ўдарных сістэм ля межаў РФ будуць цэнтральнымі ў ацэнцы атрыманых ад Захаду дакументаў па гарантыях бяспекі, адзначыў Лаўроў.
Між тым, Дзярждэп прыводзіць падрабязнасці размовы Блінкена і Лаўрова.
Дзяржсакратар заявіў расійскаму міністру, што дыпламатычны шлях па Украіне застаецца адкрытым, але запатрабаваў дээскалацыі з боку Масквы.
Таксама Блінкен заявіў, што ЗША асцерагаюцца «расійскага нападу» ва Украіну ў найбліжэйшыя дні.
Нагадаем, сёння вечарам анансавалася тэлефонная размова паміж прэзідэнтам ЗША Джо Байдэнам і прэзідэнтам Расіі Уладзімірам Пуціным.
Ці можна ў Беларусі забіцца, зваліўшыся ў падземны пераход?1
Каментары