Ад былога канцлера Нямеччыны Герхарда Шродэра, які цесна супрацоўнічае з Крамлём і расійскім нафтагазавым сектарам, сышлі ўсе чатыры супрацоўнікі яго бюро ў бундэстагу — пра гэта паведамляе газета Die Welt.
«Я пацвярджаю, што чатыры супрацоўнікі бюро папрасілі перавесці іх на іншыя пасады», — сказаў газеце загадчык бюро і спічрайтар Шродэра ў апошнія 20 гадоў Альбрэхт Функ, дадаўшы, што асуджае шэфа за тое, што той адмаўляецца асудзіць Пуціна за развязванне вайны з Украінай.
Былым канцлерам у Германіі даецца вялікая пенсія, а таксама грошы на ўтрыманне ўласнага бюро, піша Бі-бі-сі.
Герхард Шродэр пасля сыходу з пасады канцлера ў 2005 годзе перайшоў на расійскі заробак і лабіраваў расійскія энергетычныя праекты: ён з'яўляецца старшынёй назіральнай рады дырэктараў дзяржаўнай нафтавай кампаніі «Раснафта» і старшынёй камітэта акцыянераў кампаніі Nord Stream AG, аператара газаправода «Паўночны паток».
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары