Сайт праграмістаў dev.by заўважыў, што Беларусь знікла з раздзела «Вакансіі» на сайце IT-кампаніі EPAM. Ці азначае гэта, што EPAM перастаў наймаць супрацоўнікаў у беларускі офіс?
На пастаўленае яму dev.by пытанне EPAM даў наступны адказ:
«У сувязі з тым, што большая частка кліентаў накладае ўсё больш абмежаванняў на працу з Беларусі, дадатковы наём супрацоўнікаў на гэтым рынку прыпынены. Мы запрашаем спецыялістаў, зацікаўленых у працы з EPAM, далучацца да кампаніі ў іншых нашых офісах з магчымасцю далейшага пераводу ў беларускае падраздзяленне, калі кліенцкія абмежаванні зменяцца».
Раней Беларусь уваходзіла у топ-5 самых папулярных лакацый ў EPAM па колькасці вакансій. Доўгі час яна ўвогуле была самай буйной лакацыяй вытворчых спецыялістаў EPAM. Па выніках мінулага года гэты статус перайшоў да Украіны, але з-за вайны цяпер Украіны таксама няма ў спісе лакацый EPAM для найму.
Акрамя таго, EPAM прыбраў усе вакансіі для ахвотных працаваць у Расіі. Днямі кампанія заявіла, што прыпыняе працу з кліентамі з Расіі і выдзеліць 100 мільёнаў даляраў на гуманітарную дапамогу для 14 тысяч сваіх супрацоўнікаў і іх сем'яў ва Украіне.
Чытайце таксама:
EРАМ спыніў працу з кліентамі з Расіі
Заснавальнік EPAM Аркадзь Добкін: Сёння мы аб’яднаныя ў падтрымцы ўкраінцаў
Каманда EPAM у Беларусі ўпершыню скарацілася. Гэта ўжо не самы вялікі офіс
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі68
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары