23-гадовая пракурорка Аліна Касьянчык пайшла на павышэнне — большы заробак, саліднейшая пасада
Як стала вядома «Нашай Ніве», Аліна Касьянчык атрымала павышэнне: з раённай пракуратуры Фрунзенскага раёна сталіцы яе перавялі ў пракуратуру па Мінску.
Аліне Касьянчык 23 гады. Грамадства даведалася пра яе ў 2020-м годзе, калі маладой дзяўчыне пачалі давяраць самыя абсурдныя палітычныя справы, якія яна даводзіла да рэальных тэрмінаў у калоніі.
Так, па выніках абвінавачванняў Касьянчык два гады калоніі атрымаў Максім Паўлюшчык за надпіс «Не забудзем» на Пушкінскай, па два гады калоніі атрымалі журналісткі Кацярына Андрэева і Дар'я Чульцова за стрым з разгону акцыі памяці забітага Рамана Бандарэнкі. І гэтак далей.
Касьянчык спрычынілася да многіх паламаных лёсаў, нават жанчыну, якая здавала ёй кватэру і папрасіла з'ехаць, Касьянчык адправіла на хатнюю хімію.
І вось, ударная работа прынесла вынікі: Касьянчык павысілі. Цяпер яна працуе ў гарадской пракуратуры сталіцы. Падтрымлівае абвінавачванне ў судзе над палітвязнем, экс-пракурорам Яўгенам Бабаком у Мінскім гарадскім судзе.
Што дае гэтае павышэнне?
«Пракуратура раёна — гэта базавы ўзровень, пракуратура вобласці або горада Мінска — вышэйстаячая інстанцыя. А над гэтым ужо Генеральная пракуратура. Таму ў горадзе, як мінімум, будзе большы заробак, згодна з законам «Аб пракуратуры»: калі ў памочніка пракурара раёна пасадавы каэфіцыент для вызначэння аклада — лічба 3, то такая ж пасада ў Мінскай гарадской пракуратуры мае каэфіцыент 3,50, — тлумачыць калега Касьянчык. — Ну і адносна работы, ты ўжо не займаешся драбязой на раёне, а «салідны чалавек» на горадзе».
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары