«Пяхота застаецца каралевай бою»: чатыры высновы з украінскай вайны ад гісторыка Эдварда Лютвака
Амерыканскі гісторык Эдвард Лютвак сфармуляваў чатыры ўрокі вайны ў святле ўкраінска-расійскага канфлікту.
1. Варта ачысціць, абкурыць і перабудаваць ЦРУ: яно паведаміла Байдэну, што афганская армія пратрымаецца месяцамі і што рускія будуць у Кіеве праз 24 гадзіны. Без ведання моў няма сітуацыйнай дасведчанасці. Увесь Кабул смяяўся з армейскага махлярства, але пра гэта ніхто не паведамляў.
2. Нацыі куюцца ў вайне. Калі яны атрымаюць перамогу насуперак усяму — як амерыканцы над брытанцамі, грэкі над Ксерксам пры Саламіне ў 480 г., габрэі — над арабскімі дзяржавамі ў 1948 годзе і Украіна як цяпер — то яны атрымліваюць сілу дасягнуць вялікіх рэчаў.
3. Як сказаў Зяленскі, ААН не вартая намаганняў. Рада бяспекі ААН самаблакуецца па сваёй задуме, у Генеральнай асамблеі дамінуюць безгустоўныя дыктатуры і карумпаваныя пародыі на дэмакратыі, якія адмаўляюцца ўстаць на бок сапраўднай дэмакратыі пад ударам.
4. Пяхота застаецца каралевай поля бою. Пяхота ў абароне ўхіляецца ад авіяцыі за кошт разгрупавання і перамагае бранятанкавыя сілы агнём, з'яўляючыся галоўным беніфецыярам тэхналагічнага прагрэсу ў ракетах, дронах, а таксама ракетных сістэмах «навядзі і страляй».
***
Эдвард Лютвак — амерыканскі гісторык, эканаміст, спецыяліст па міжнародных адносінах і ваеннай стратэгіі. Аўтар шматлікіх работ па гісторыі і знешняй палітыцы ад часоў Старажытнага свету да нашых дзён.
Палітычны кансультант Дзяржаўнага дэпартамента і Міністэрства абароны ЗША. Старшы дарадца Цэнтра стратэгічных і міжнародных даследаванняў (Вашынгтон). Былы дарадца Рональда Рэйгана.
-
«Не было б БНФ — не было б і сесіі. Не сабраліся б на яе камуністы». Навумчык рэзка адказаў «абвяргацелю» Цыганкову
-
«Лірыка пра тое, што 25 жніўня 1991 года нехта прыгожа выступіў, і ўсе памянялі свае погляды — гэта для мастацкага кіно»
-
Таццяна Заміроўская напісала, чаму яна прыходзіць у каменты да людзей, якія ставяць у сябе ў сацсетках пасты, напісаныя ШІ
35 маладых беларусаў і беларусак, за якімі варта сачыць: апублікаваны першы спіс Next 3532
Каментары